وجه الفنان شريف منير، رسالة شديدة اللهجة لكل من الفنانين هشام عبد الحميد، ومحمد شومان، بعد ان قرروا الانحياز لتركيا وقظر ضد مصر، وذلك بمهاجتهم الدولة المصرية عبر قناة « الشرق»، قائلا:« أنا شايف إن الناس إللى باعت نفسها ووطنها وراحت تركياوقطر .. متورطين جاااامد .. وبيضحكوا على نفسهم و مصدقين إنهم صح .. الدولارات مش حتعوض أى حد فيهم .. قاعدة حلوة على قهوة مع أصحابه ولا حتعوض قفشة يتبعها ضحكة من القلب ولا سندوتش فول من عند الجحش .. ممكن تلاقى أكلة كباب عظيمة .. بس مش زى بتاعة الرفاعى الكبابجى إللى فى السيدة زينب وممكن تاكل فول بالزبدة و عيش تركى سخن .. بس مش زى قاعدة عند الجحش إللى فى السيدة بردو ولا زى فول محروس فى جاردن سيتى .. وإنت ماشى فى الشارع عندكم فى تركيا أو قطر .. ودانك بتسمع كلام مش واخده عليه .. لغة تانية و كوميديا تانية و حتفضل تجامل الناس إللى إنت عندهم دول وتضحكلهم وتضّحكهم بس من ورا قلبك .. المصرى الأصيل بيحب شوارع بلده وحواريها ..المصرى إللى بجد بيحب أصحابه وأهله و مايقدرش يعيش بيعد عنهم . وتابع، من خلال حسابه الشخصى بموقع التواصل الاجتماعى «فيسبوك»:« يا هشام يا عبد الحميد .. يا هشام يا عبدالله يا محمد يا شومان .. حتلاقوا عندكم شريف منير وأشرف زكى و إسعاد يونس و يسرا ؟؟ حتلاقوا عندكم المسرح القومي و سميحة أيوب ويحيى الفخرانى .. السقا وهنيدي وشريف عرفة وعادل إمام ووحيد حامد .. عندكم من ده ؟؟؟ مش ممكن تكونوا فى سعادتنا .. مهما كانت الظروف إللى فى مصر .. إحنا أسعد إحنا أنجح إحنا مش ممكن حنسيب هنا ((( مصر ))) .. ورطتكوا كبيرة قوى .. ولا حول ولاقوة إلا بالله» .
