سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
غلوشيات رمضانية #6 رمضان.. يكتبها عبدالله غلوش: مأمون وشركاه.. خالد سرحان عامل دور «ريجيني المصري» في روما.. مصر ورواندا.. تسريب باقي امتحانات الثانوية أقل مكافأة ممكن نديها لرمضان صبحي بعد الماتش
-انزل اي منطقه شعبيه هتلاقي الناس مش بتتفرج غير علي "أزمة نسب ، الكيف ، ابو البنات ، الاسطورة" .. لغتهم سهلة وبسيطه ومش محتاجه تفكير ولا مجهود في الشرح. -انا غادة عبدالرازق .. لو مقولتش كلمة وسخ او وسخة كل حلقة اتحرق. -الخانكة : اختيار وائل الإبراشي تحديدا لمناقشة قضية تحرش ابن ماجد المصري بغادة عبدالرازق داخل أحداث المسلسل ، في الجول ويستحق الإشادة. -سقوط حر: صفاء الطوخي كانت عاملة ورق عنب النهارده. -سقوط حر : كويس ان فريال يوسف استخدمت كلمة بيسيكاتريست بدل دكتور نفسي ، عشان الناس تفتكرلها حاجة بعد ما المسلسل يخلص. -الصدمة .. كريم كوجاك ، علي نياتكم ترزقون. -مأمون وشركاه .. لبلبة اللي مصبراني علي المسلسل حتي الان. -مأمون وشركاه .. كمال ابورية رئيس جهاز امن الدولة .. تخيل؟ -مأمون وشركاه .. خالد سرحان عامل دور "ريجيني المصري" في روما. -مأمون وشركاه .. السفير الأمريكي متقمص شخصية السفير البريطاني في مصر. -تحس ان الكميا بين مفيدة شيحة والشيف شريبني ، اكتر من اللي بينها وبين مني عبدالغني. -الميزان : مش مستوعب ازاي روبي كانت هي المرشحة الأولي عشان تعمل دور المحاميه بدل غادة عادل. -نيللي وشيريهان .. كل حاجة في المسلسل حلوة بإستثناء معتز التوني. -الظهور الأول لأحمد السعدني في افراح القبة والظهور الأول لأنوشكا في سقوط حر. -مصر ورواندا .. كنا قربنا ننسي شكل استاد القاهرة. -مصر ورواندا .. تسريب باقي امتحانات الثانوية العامة ، أقل مكافأة ممكن نديها لرمضان صبحي بعد الماتش. -كل ما اشوف اعلان برنامج "المرايا" علي صدي البلد ، اترحم علي برامج طوني خليفة ونيشان الرمضانية. -القيصر .. توقيت العرض ظلمه. -القيصر .. لو السجون عندنا بالشياكة دي ، اكيد معدلات الجريمة هاتزيد. -القيصر .. طارق النهري ، يعيد اكتشاف نفسه. -القيصر .. ريهام عبدالغفور مجرد ضيفة شرف. -القيصر .. ليه يوسف الشريف مش بيعمل افلام سينما؟ -الأهرام : "تعرف على مواعيد تشغيل وانقطاع المياه فى مراكز وقرى محافظة الجيزة" .. واضح اننا هنتعود علي قراءة أخبار من النوعية دي كتير الفترة الجاية. -سوسن بدر " ولد فضة" لقت لها منافس .. سوسن بدر " افراح القبة". -يورو 2016 .. عكس ما توقعت ، البطولة بدأت قوية ونسب مشاهدة المسلسلات هتقل النُص. -بعد اول استطلاع رأي في رمضان ، القنوات كلها بتجتمع وتقول هنعمل شركة قياس رأي خاصة بينا ، وبعدها محدش يسمع صوتهم غير بعد اول استطلاع رأي في شهر رمضان السنة اللي بعدها. - الجميل في خناقة استطلاعات الرأي السنة دي ، ان رؤساء القنوات مش معترضين ان mbc مصر في المركز الأول ، لكن متضايقين أن mbc مصر 2 محتلة المركز التاني. -خير اللهم اجعله خير .. أمير عيد معملش ولا إعلان بصوته لغاية النهارده. -طالما المسلسلات الكوميدي من نوعية يوميات زوجة مفروسة جدا ، طبيعي ان الاعمال الكئيبة هي اللي تنجح. -مشافش غير السمانة بس ودفع جنية .. رانيا يوسف "أفراح القبة". -الجواز اكبر مقلب ممكن تاخده في حياتك .. ايه الفكرة ان الواحدة تعيش حياتها مع واحد بس؟ .. هند رضا "وعد". -الناس من كتر ما طبلت بقي التطبيل عندها كيف ومزاج بيطبلوا علي الفاضية والمليانة .. عمر السعيد "الطبال". -ما فائدة الصديق اذا اختفي وقت الضيق .. بل وماذا لو كان الصديق هو بذاته سبب الضيق .. احمد الشويري "قمرة". -الذكري الأولي لأسوأ أيام حياتي ، اللهم بقدر حنيني لأمي ، اسألك ان ترزقها من خير نعيمك وجنة الفردوس. -ربنا يرحمك يا أمي ويرحم امهاتنا جميعا ويخلي أمهاتكم يارب.