كشفت الفنانة إيناس عز الدين نجمة برنامج «آراب أيدول»، حقيقة ما تداول حول زيادة وزنها الفترة الأخيرة وبشكل ملحوظ، حيث أوضحت بأن زيادة وزنها هذه «مرضية»، وذلك من خلال صفحتها على موقع التواصل الأجتماعى «فيس بوك» قائلة:«يا جماعة ولله أنا ما خسيتش ومش هينفع أخس طبيعي والتخن مش كله أكل ولا كله قلة حركة ورياضة وكفاياكم بقى تحكموا على الناس بمزاجكم فيه تخن مرضي ربنا يكفيكم شره مالوش علاقة لا بأكل ولا بحركة». ثم أكملت «أنا مش باكل تقريبا لأني عندي مشاكل في معدتي معيشاني تقريبا في المستشفيات زي ما انتوا شايفين في الصورة دي بقت حياتي اللي ماحدش يعرفها غيري أنا واهلي وجوزي وبتخليني مش بعرف أكل أو أشرب زي الناس الطبيعيين وربنا يعلم أنا عايشة إزاي وأنا بتحرك كتير جدًا وبعمل رياضة وبطلع وأنزل سلالم وبمشي وبجري كتير يعني الموضوع مختلف» مضيفة «أنا مبسوطة كده وبحب نفسي كده وصعب عليا أعمل عملية علشان أخس وأنا بخاف أصلًا من العمليات والعملية مش سهلة ومش هعملها علشان أرضي الناس يوم ما هعملها هيبقى علشان أرضي نفسي خصوصًا إنكم لما عرفتوني وشجعتوني وحبيتوني ونجحتوني كنت كده تخينة وحبيتوني زي ما أنا.. أنا رافضة إنكم تحبوني بس بشروطكم.. دي أنا واللي هيحبني هيحبني زي ما أنا». ثم قدمت الشكر، للمصور يوسف محيي الدين، عن صورها في آخر حفلاتها الغنائية بالإسكندرية، بقولها: "أما عن صوري الأخيرة فدي شطارة المصور Youssuf mohy eldeen اللي عرف ياخد زوايا ما تبينش وزني وبشكره جدًا طبعًا". وأختتمت قائلة: "بشكر كل الناس اللي بتحبني زي ما أنا وهتفضل تحبني سواء فضلت تخينة أو لو عملت العملية وخسيت في يوم من الأيام".
