ذهبت الى ميدان التحرير للحصول على المائة دولار ووجبة الكنتاكى – التى طالما حلمت بها – والتى اعلن تليفزيون الدولة ان هناك فى التحرير من يعطيها لكل متظاهر خرجت من بيتنا فى الصباح واتصلت باحد زملائى فى العمل واخبرته اننا مصاب بنزلة برد شديده وطلبت منه ان يبلغ رئيس القسم انى ساتغيب اليوم وربما غدا وفعلت ذلك من اجل ان اترك لنفسى فرصة الذهاب مرة اخرى للتحرير لان ال 100 دولار والكنتاكى فرصة لا تعوض وفى طريق الى موقف السيارات قابلنى صديق يعمل طبيبا سلمت عليه وقلت له انت بتاخد من المستشفى مرتب قد ايه قالى ما انت عارف 560 جنيه رددت عليه خلاص غيب النهارده وتعالى معايا التحرير هناك بيوزعوا 100 دولار ووجبة كنتاكى الى عمرك ما شفته اندهش وقالى انت بتهزر قلتله لا والله بجد الفضائية المصرية اكدت الكلام ده امبارح وبعدين هو تليفزيون الدوله هايكدب رد صاحبنا : والله عندك حق انا جاى معاك ركبنا المترو من شبرا وفى الطريق سالنى هو الكنتاكى ده عباره عن ايه قلتله يعنى ما لقتش حد تساله الا انا ياخبر دلوقتى بفلوس بعد دقايق يبقى ببلاش اقتربنا من الباب فى محطة محمد نجيب ولكن المترو لم يتوقف فى التحرير ازبهل صديقى وقال مش كان هنا محطة ! قلته لا ياعم الجيش قفل المحطه دى نزلنا فى الاوبرا ومشينا الى التحرير عبر كوبرى قصر النيل وكان فى الاف من الناس فى الطريق ومعاهم علم مصر وعائلات اطفال وبنات وشباب وعواجيز على كل شكل ولون اندهشنا وقلت لصاحبى شايف كل الناس دى يادكتور جايين علشان ال 100 جنيه وزينا بالظبط عمرهم ما كلوا كنتاكى وقفنا فى الصف لقيت عائلة قضائية اب وولدين وبنت كلهم لابسين روب القضاء المعروف اتصدمت وقلت لصاحبى حتى القضاه شحاتين زينا عمرهم ما كلوا كنتاكى فى حياتهم ولا شافوا ورق البنكنوت الاخضر دخلنا الميدان بعد التفتيش لقيت شاب اقترب منى ومسك بقصماته كانت معاه وكسرها واعطانى نصها اندهشت وقلتله بقصمات صح ! قالى اه قتله امال فين الكنتاكى ؟ قالى دى تصبيره جرح زورك بس ... وضحك دخلنا جوا لقينا ناس كتير ملايين وناس بتهتب يقسط النظام يسقط حسنى مبارك الرجاله ماماتتشى فى 73 الرجاله موجوده فى ميدان التحرير صحبى قالى ملناش دعوه بالناس الفاضيه دى احنا عاوزين الدولارات والكنتاكى قلتله صح يامعلم ... لفينا الميدان كله وجدنا ناس بتحب بعض بجد شباب بيعشقوا مصر بعنف رجاله ناصبه خيم و7 نايمين فى مساحة 4 متر محامين وصيادله ومدرسين وفنانين وسباكين وشاب فى الجامعه على كل شكل ولون بنات بتهتف عاوزين مصر حرة وبنات فى الصفوف بين الرجاله وكله بيحترم بعضه مفيش بنت بتشتكى وتقول احترم نفسك لا كله بيبتسم فى وش التانى ومناقشات كتيره اوى اتصدمت من المشهد وكذلك صاحبنا قلتله اخيرا حققت حلمى انا كلت كنتاكى رد عليا وانا حصلت على مليون دولار .......
