قال الرئيس عبدالفتاح السيسي، إن مشروع قناة السويس الجديدة نُفِّذ في خضم مواجهة الدولة للإرهاب. وأضاف ضمن فعاليات مؤتمر حكاية وطن المنعقد في العاصمة الإدارية الجديدة، اليوم السبت: «فيه أبواق كذب وافتراء وشائعات بتقدح في كل إجراء أو مسار ناخده.. أنت كمان مش محل تقدير من ناسك اللي أنت بتعمل لأجل خاطر ربنا وخاطرهم». وتابع: «وأنت بتعمل كده بيتم الإساءة لك والإساءات للمسئولين مش ليهم بس، لكن لأسرهم كمان.. لكن لا بأس.. مفيش حاجة بتروح عند ربنا، كل كلمة كذب لها أجر وكل إساءة لها أجر». واستكمل: «فيه يوم هنقف قدام ربنا وهنتحاسب.. اللي هيحاسب ربنا اللي لا بيغفل ولا ينام.. وكل تفاصيل الإفك والمكر اللي اتعملت على مصر في آخر 10 سنين كانت امتداد لبناء حالة من عدم الثقة للإنسان المصري وتبقى جزء من الشخصية المصرية علشان تكون متشككة وغير واثقة في نفسها وبلدها». وتابع: «ده بناء فكري وجداني اتعمل لمصر خلال 50 سنة، وهم يعتقدون إنهم يقدروا يبنوا أمة.. الأمة تقوم من خلال البناء والإصلاح فقط وليس الخراب والإساءة والإهانة والهدم والتشكيك». وشهدت قاعة الماسة بالعاصمة الإدارية الجديدة، انطلاق مؤتمر «حكاية وطن»، اليوم السبت حتى الاثنين المقبل، بحضور الرئيس السيسي، وعدد من الوزراء، والسياسيين، والشباب والإعلامين وممثلين من جميع فئات المجتمع، لعرض إنجازات الدولة المصرية في مختلف المجالات. ويشهد اليوم الأول جلسات مهمة تركز على محاور الاقتصاد، ويشارك فيها كبار الوزراء، حيث يحضر الدكتورة هالة السعيد وزيرة التخطيط والتنمية الاقتصادية، والدكتور محمد معيط وزير المالية، وأحمد سمير وزير التجارة والصناعة، والدكتورة رانيا المشاط وزيرة التعاون الدولي، وتتناول هذه الجلسات سياسات وبرامج الحكومة في دعم الاقتصاد المصري.
