حرص المؤلف محمد صلاح العزب، على توجيه كلمة شكر لما وصفهم بالجنود المجهولين وراء مسلسه الجديد "سفاح الجيزة" الذي حقق ردود أفعال جيدة، عقب عرض الحلقة الأولى والثانية منه على إحدى المنصات الرقمية. وكتب "العزب"، عبر حسابه بموقع التواصل الاجتماعي فيسبوك: "ما شاء الله لا قوة إلا بالله، اللهم لك الحمد والشكر، الواحد سعيد جدا بردود الأفعال المهولة على أول حلقتين من سفاح الجيزة، وتصدره كل التريندات بجد، ومن غير دفع فلوس زي ما بيحصل في رمضان، ومنصة Shahid بتثبت دائما إن الشغل الحلو لازم يظهر". وتابع: "المسلسل 8 حلقات، بس نتيجة تعب ومجهود شهور طويلة من فريق عمل كبير، عشان كده أنا عاوز أشكر 5 أشخاص مهمين جدا جدا، أساميهم ما اتكتبتش على التترات". وأضاف: "الأول: المخرج محمود شكري أبو عميرة اللي قعدنا شهور نشتغل على المشروع، قبل هادي الباجوري اللي عامل شغل محترم جدا، ومحمود أبو عميرة ليه إضافات ولمسات على المشروع موجودة ومتجسدة على الشاشة، وفي المسلسل حتى بعد ما سابه فلازم ياخد حقه". وأكمل: "الثاني: الدكتور أحمد أبو الوفا استشاري الطب النفسي اللي كان معايا في مراحل كتابة السيناريو باستمرار، واللي رسم معايا الملامح النفسية الكاملة لسفاح الجيزة وعلاقته بأمه وشكل أداءه وردود أفعاله وطقوسه في لحظات القتل، واللي كل الناس معجبة بيها في أداء أحمد فهمي". وتابع: "الثالث: المستشار القانوني للعمل شريف العجوز اللي كان معايا باستمرار لضبط المسلسل قانونيا، والرابع: صحفي الحوادث المجتهد بهجت أبو ضيف اللي كان متولي قضية سفاح الجيزة من بدايتها واللي كان معايا في بدايات كتابة المسلسل بمعلوماته ومحاضره وتحقيقاته، والخامس: سفاح الجيزة الحقيقي، لولا الجرايم اللي ارتكبها مكانش هيبقى في مسلسل من أصله". يذكر أن مسلسل "سفاح الجيزة" تأليف محمد صلاح العزب، وإخراج هادي الباجوريِ، وبطولة أحمد فهمي، وباسم سمرة وصلاح عبد الله، والأحداث مأخوذة عن قصة حقيقية لأحد المجرمين، الملقب ب"سفاح العجوزة".