الفنان طه دسوقي يدعم صناع مسلسل بالطو: بداية عظيمة ومبشرة

حرص الفنان طه دسوقي، على تقديم الدعم لصناع مسلسل "بالطو"، عقب عرض أولى حلقاته عبر إحدى المنصات الإلكترونية.
ونشر دسوقي، صور المسلسل عبر حسابه الرسمي على فيسبوك، معلقا: "أنا مستمتع جدا بالمشروع ده ومبسوط بالبداية العظيمة والمبشرة دي، وكنت مستنيه لكذا سبب الحقيقة، أولا لأنه تقديمه مشرفه لممثل شاب (عصام عمر) من اللي بيعافروا بقالهم كتير، موهبته تستحق إنها تتشاف بالشكل ده".
وأضاف: "ثانيا مبروك علينا مخرج شاب برضه بالشطارة والتمكن ده (عمر المهندس) اللي اعتقد ده أول مشروع ليه بس حاطط فيه سنين شغله اللي باين في حكيه وكادراته واختياره للممثلين وتوجيههم، ثالثا مبروك علينا مؤلف شاب برضه (أحمد عاطف) اللي كاتب حدوته حقيقية، سهل جدا تحصل لأي حد، والضحك فيها بمنتهى الجدية والبساطة".
وأكمل: "رابعا وده شهادتي فيه مجروحة بس غير إنه أخويا وصاحبي فهو واحد من أشطر الستاندب كوميديانز في مصر (وليد المغازي)عامل دور صغير في المسلسل ودي حاجة مفرحاني بشكل شخصي".
وختم كلامه: "مش عايز أطول بس من الآخر هي تجربة شبابية مشرفة والله لجيل فخور إني بنتمي له، شكرا لكل صناع المسلسل دا".
يذكر أن مسلسل "بالطو" قصة وسيناريو وحوار أحمد عاطف، إخراج عمر المهندس، حفيد الفنان الراحل فؤاد المهندس، وبطولة محمود حافظ، محمد محمود، عارفة عبد الرسول، مريم الجندي، عارفة عبد الرسول محمد رضوان، عصام علي وعدد من ضيوف الشرف أبرزهم بيومي فؤاد، خالد الصاوي، محمد لطفي، محمود البزاوي.
https://www.facebook.com/1453582034/posts/pfbid02zNqaj5VCM56VAmPgnzwErt1Yrp7rmq1uTgM8QXhZNXLQchpWquE4uDSwCcF16PsVl/?mibextid=Nif5oz