استنكر الإعلامي عمرو أديب، تصريحات الدكتور رضا حجازي، وزير التربية والتعليم، بشأن إجراء حوار مجتمعي حول تقنين الدروس الخصوصية، قائلًا: «وزير التعليم لما لقى الدنيا غضبانة، قال إن المدرسة المكان الطبيعي للتعلم ولا عزاء للدروس الخصوصية». وأضاف خلال تقديمه لبرنامج «الحكاية»، المذاع عبر فضائية «MBC مصر»، مساء الاثنين، أن العنوان الذي استخدمه وزير التعليم «خادع جدًا»، متابعًا: «الكلام اللي يقصده بجد إنه عاوز يقنن الدروس ونشوف، وناخد فلوس من الدروس الخصوصية نشغل بيها المدارس». وتابع: «أنت بتعمل إيه؟ لو باقي الوزارات مشيت زي وزير التعليم هنشوف هزل، في حاجة عاملة كده يا جماعة! دور الوزارة إيه؟ ناوي تجري ورا كل مدرس موجود في أي بيت وراح كام درس النهاردة، أو تقول في السناتر أنا معاك بالنص، والمدرسين نقعدهم في السناتر يعدوا». واستطرد منفعلًا: «بحق كل شيء.. في حاجة كده في العالم؟ في دولة بتعمل كده في العالم؟ طب والمليارات اللي صرفتها على تطوير التعليم؟؟ ملاحظ أن هناك تواطؤ مجتمعي وصمت قاتل، لو شايفين إن ده صح مش هتكلم في الموضوع ده». وطالب المستشار الدكتور حنفي جبالي، رئيس مجلس النواب، اليوم الاثنين، من لجنة التعليم بالمجلس بسرعة عقد اجتماعاتها لمناقشة ما جاء في بيان وزير التربية والتعليم، بحضور المختصين لبحث كافة ما يتعلق بالعملية التعليمية، وإعداد تقرير بشأنه لعرضه على المجلس بشكل عاجل.
