استقبل مواطنون الرئيس عبدالفتاح السيسي بعد عودته من اجتماعات الجمعية العامة للأمم المتحدة في نيويورك. وعرضت فضائية "إكسترا نيوز"، مشاهد للمواطنين أثناء استقبال الرئيس لدى وصوله. وقال الرئيس مداعبا المواطنين:"إيه اللي مصحيكم بدري النهاردة الجمعة، الموضوع مش مستاهل خالص.. لازم تعرفوا كلكم إن الشعب المصري واعي قوي إزاي الصورة تترسم علشان يزيفوا الواقع ويخدعوا الناس ويضحكوا عليهم". وتابع: "المصريون أصبحوا أوعى من كده بكتير.. اللي اتعمل قبل كده مينفعش يتعمل تاني.. ليه؟ علشان ربنا وعلشان أنتم متقلقوش من حاجة". وأردف: «كلامهم عبارة عن كذب وافتراء وتشويه وكتائب إلكترونية لتقديم صورة حقيقة، إحنا جامدين أوي والبلد جامدة أوي بيكم» وحول رسالته للمصريين حول دعوات الجماعة الإرهابية للتظاهر.. قال السيسي: "إحنا لسه بنتكلم من أسبوع في الموضوع ده قبل ما أسافر .. وقلت يامصريين خلي بالكم مش هيسبوكم تنجحوا ولا تتهنوا على حاجة .. دي حرب بينا وبينهم .. مجموعة صغيرة في مقابل الشعب كله". وتساءل الرئيس: كيف يتم تصديقهم ؟ .. وقال "إن الإعلام عليه دور كبير في توعية المواطنين والتصدي للشائعات والأكاذيب .. الناس البسطاء طيبين أوي أوي وهما فاهمين كويس.. مصر مكانتها كبيرة أوى بشعبها". وردا على سؤال حول شعوره إزاء حفاوة استقباله عقب عودته من الأممالمتحدة ، قال الرئيس السيسي: "أنا بقول للمصريين يوم ما اطلب من المصريين زي يوم التفويض في يوليو 2013، رسالة للعالم كله هينزل الملايين مش أقل من كده".