بعد انقطاع المعلق محمود بكر عن التعليق على المباريات على قناة النادي الأهلي بسبب الهجوم عليه من جانب لاعب الأهلي محمد ناجي "جدو" عقب أحد لقاءات الفريق على القناة قائلا" ياريت المعلق اللي فاكر دمه خفيف يخليه في حاله ويتعلم ينطق أسماء اللاعيبة صح الأول". قال بكر في تصريحات تليفزيونية:" أنا مش فاكر قولت أيه واللي زعلني أكتر أني تعرضت للإهانة في قناة أنا واحد منها، وانتظرت أي حد من القناة يقول لجدو عيب اللي إنت بتقوله ده ملقيتش حد معبرني خالص". وأضاف بكر:" ذوقيا مني أرسلت فاكس للقناة قولت فيه إني تعبان وبعد كده اجتمعت مع مسؤول في القناة ووعدني بحاجات كتير ولحد دلوقتي مفيش أي جديد وأنا مقدرشي أطلع في قناة اتشتمت فيها". وواصل:" أنامش زعلان من جدو ومهما كان ده ابننا خالص بس أنا اللي مضايقني إن القناة معبرتنيشى ولا وقفت في صفي وأنا بنشتم، ومش هرجع القناة غير لو قدمت لي اعتذار على شاشتها". ووجه بكر الشكر لجدو قائلا" أشكر جدو لأنه بجد عرفني قد أيه الناس بتحبني وخصوصا جماهير الأهلى العظيمة". وعن تعرضه للهجوم من جانب الجماهير التي رفعت له يافطة مكتوب فيها"محمود بكر..قناة نادي الوطنية .. مش مكان للمطبلاتية " قال" كنت بقول رأي مش أكتر وكان قصدي تهدئة الناس ومطالبتهم بإعطاء فرصة للمجلس العكسري مش إني أطبل للمجلس العسكري". اضغط لمشاهدة الفيديو: *