بوابة شموس نيوز – خاص مع إنه كان عيل فأنا بردو بعد ما غاب اسكنته في القلب و لا زلت بشتاقله لو كان ما بينا عتاب ماكانش جرحك طَب أنا شفت منك ايه خلاك كدا تتحب كل اللي بانلي بِعاد فارش طريقك كِدب إزاي ميزان قلبي شافك حاجات حلوة كان ماشي وسط الناس بيلحنك غِنوة و بيظبط المقامات قلبي العبيط أهو مات ماسك في كومة قَش في الحُب حاسك نور و انت اللي غِش في غِش إزاي في لحظة بنتقلب مساكين في وسط موج البحر مش فاهمين إن الغرق بيقُش هذا الاحساس المتلازم بالخوف دوماً كل اللي قبلك أجمعوا و قالوا عنه – الحب- بتشوف حياتك نورت فجأة كل النجوم نزلت م السما السابعة عشان تزين قلبك المحروم لو كنت عارف وقتها انها الخدعة و لسه الطريق بيضل كالمجنون بيقربك بالخاين ، و بيبعد اللي يصون مش كان زمانك زي أي برئ لساه بيرسم بيت على الرملة قلبين و سهم بيشبكوا في حرفين أول حروف إسمها طبعاً بتفترضه فاتحط مثلاً (س) أحلام كدا نضيفة مالهاش في تزييفهم ملعون أبو اللي يخون و يِمَوِت الطيبَة و يوقفك في طريق ماكنش من توبك ما تخافش دا يادوبك مسافة الاحساس داين تدان دايماً واستنى رب الناس