الايام الماضيه كانت صعبه وقاسيه … لكى الشفاء والصحه وطول العمر يا امى حنونه, روهيفه, عطوفه, رقيقه, عطاءه, من غير ما ان تكون مطمئنه لا تستطيع ان تغفو ولا للحظه وانت ظروفك ملخبطه.. هى دايما عارفه سواء قلت او داريت, انت تنام وهى صاحيه بتدعيلك, اى إن كان مكانك حاسه هى بيك, حاستها السادسه اقوى من اى جهاز استشعار. بشوشه ضحوكه فرفوشه عندها قدره لوضع البسمه فى عز مانت متأزم, لها فلسفتها فى معظم الاحيان وتحليلها لاى مشاركه موضوع معاها مايخرش الميه … دايما صح فكرها وبعد نظرها من ادق ما يكون والمنتظر من اللى بيحصل وحايحصل كإن جالها مكتوب بعلم الوصل عندها رأى وكلمتها مسموعه وحكيمه لو كتبت حٍِكمها واقوالها ومأثورتها لعملت كتاب ضربت بيه العقاد حقانيه بالزياده مش ممكن تظلم حد لا فى حقه ولا فى فعله حتى على عيالها ونفسها الاول. حليمه وتوكلها على اللى خالقها مالوش وصف و حبها له مديها سماحه و رضا محاوطها, وكل من قريب لها ومنها. يا ويلك لو غلطت, ناقده قاسيه عاتبه بشده وعقابها قارس, لكن فى الاخر غفوره حنونه, احيانا تبتلع الالم والزعل من شده خوفها ان تشعر بيه حتى لا تلوم نفسك, لانها ماتستحملش تشوفك للحظه زعلان. شقيه نغشه ونشطه تحسسك ان يومك طار ومحتاج زواده كمان وإلا بقيت كسلان مواكبه للكل وخصوصا الاحفاد, عندها ملكه سحريه فى التعامل مع الغلباوين المنتشرين المئاوحين دول, طوله بال و مسايسه مش موجوده عند حد, انا نفسى ماعرفش اتعامل بها و أمهم ذاتها. حساسه ورهيفه الحس تعشق الجمال والطبيعه .. الالوان عامل مهم فى حياتها, لازم الاشياء سيمتريتها للعين والنفس تكون مريحه, زيها كده هى هاديه مريحه, نسمه جميله الشكل والجوهر, كلامها خافت منغم مخلوط بالفرنسيه … التكنولجيا معاها حكايه.. كل حاجه منها لها طعم مختلف عن اى حد او من اى مكان.. طبعها له اصول ونادره الوجود ان ريحها بركه حركاتها بركه كلامها بركه ودعاءوها بركه نحيا به ونستظل به وجمال روحها مالوش حل…. يا جمالك يا أمى