العادى بتاعى هايمه وجامحه ماليش فرمله، ايجابياتى تعبر عن الاحوال وقالبه بإعتراض احيانا .. جالى احساس مش موصوف لمقاله الحد ده, وجوايا كلام من كتره مش قادره اللمم اطراف بدايته من زعلى وحزنى من الاحوال كلها زى ماتكون بالنسبه لى القشه .. هو ايه اللى بجد.. ليه بيحصل مننا كده.. وليه مابنتعاملش كابنى آدميين وننسى الدين.. دينك لنفسك دينك لربك.. ومش تكفير لاهل لوطنك ومش تطرف ولا استشهاد ليه بنموت بعض! ليه بنسرق بعض! ليه بنقتل بعض! ليه بنهين بعض! ليه بنغش بعض! ليه بنأذى بعض! ليه بندمر بعض! احساس انى ماشيه بتقل على قلبى وضغط فى دماغى من صعوبه الاحداث وضغوط العيشه مخليانى ماليش نفس لحاجه خالص.. هو ليه مواد تعليمنا غلط.. هو ليه اسلوب حياتنا غلط.. هو ليه لازم نعيش تحت ضغط.. هو ليه مابنطورش ونفضل انسان.. هو ليه بيتوجهه فكرنا غلط.. هو ليه بنتكلم وبس.. هو ليه بنكبر بجهل.. هو ليه كتير اوى!!! تعبت و انا زعلانه اوى اوى من كل يوم خبر وحزن وحكايه.. وزعلانه اكتر علينا مصر.. زعلانه على الدموع والفرقه.. زعلانه على الناس والأسيه كل شويه فرقعه فى كنيسه وجامع وكمين.. وبيت بايت بحزن اليم عندك حق يا صاحبى لما سألت وقلت ايامنا الحلوه راحت فين وايه اللى غيرنا.. حاقول احنا السبب وحانحاول, لان لازم نحاول نرجع حياتنا نرجع كيانا من تانى.. شدايدنا كترت ولكن روحنا وعزيميتنا هما مصرنا وقوتنا من اسمها.. دقى اجراسك ياكنايس وارفعى اذانك يا جوامع وامسح دموعك يا شعب… انا عاوزه بلدى تانى, واكيد كلنا احساسنا واحد واكيد حانتكاتف علشان نرجعها احلى مما كانت بلدنا جميله وابوابها مفتوحه مهما ان كان كفايه الضحكه اللى من القلب.. ضحكه ودمعه واحده هى مصر على الحلوه والمره متقاسمين.. ودفا بلدنا عايشين مصر الجدعنه والكرم.. مصر الجمال والامان نحن اقباط مصر وسنظل يارب سلم بلدنا واهلنا واحفظنا وقوى روابطنا.. بحبك يا محروسه يا ام الدنيا يا احلى مصر يا مصرنا تحيا مصر مصريه
