الشاعرة سهام سامى: أنا محتاجه أتكلم جدا و فى نفس الوقت اكون ساكته شايفه الحاضر مؤلم جدا بس بحاول ارسم ضحكه يمكن بحقد ع البلياتشو علشان قادر يرسم وشه بخطوط تشبه شكل الفرحه و يمكن بشفق برضه عليه دا مهما الحزن بيكبر فيه واقف قدامنا مخبيه أنا محتاجه اسمع قرآن سوره يوسف بتطمنى ان الحق مسيره يبان انا محتاجه اقعد مع نفسى يمكن نتفق المره دى و نحط قواعد لحياتنا لو وقتها يسمح او فاضى انا محتاجه أكون أيوب و اصبر جدا ع المكتوب مستنيه انكوا تدعولى انا بكتب دايما عن حالكم انما حالى انا مش مكتوب و اتمنوا إن الحزن يتوب عن افعاله فى خًلق الله يلبس توب الفرحه شويه و لو هنشوفه فرح كداب ------------------- سهام سامى