كل الطرق ودتنى ليك حتى طريق المستحيل ما بقاش عنيد قدام عنيك السهرانين شايف حياته فى خطوتين مع ان طيف نفس الطريق كان للحياه يافطه خطر ************* حتى الدموع الحيرانين كانت زمان متعوده ترسم خطوط متمرده عن وضعها لمسة ايديك الطيبه رسمت على خد الهوى همس التمرد بالرضا ************** و صوت الموسيقى اما اترسم على صوت فريد لحظه صعود قلب اتقسمله يعيش سعيد كَمِل كلام العندليب فى رسالته من بعد الغرق و قصايد العشق اللى ماتت فى الطريق غيرها اتكتب و أصبح هنا ساكن فى أبيات القصيده المؤلمه نبض القلوب لما انحنت و اتمَسِكت تدفع ايجار بيت شعر مكتوب للهوى