وينك يامشغل غالي الروح وينك... طال الغياب وسمني جاير الويل نسيت عهدٍ(ن)كان بيني وبينك... قطعت حتى نادرات المراسيل ماتدري إن العهد نصٍ(ن)بدينك... بكل الشرائع بالمنزل والإنجيل وشلون ما توفي تواصل ضنينك... هذي ترى ماهي بشيمة رجاجيل لو الدموع اللي بعيني بعينك... عرفت يامضنون معنى الغرابيل لكن حسافه قسوتك هي لينك... مافيه فرقٍ(ن)بينها بالتفاصيل أعاتبك والروح تطلب حنينك... بين الرجا واليأس قادم وترحيل مشتاقه لضمة بكلتا يدينك... أنسى بها كل العنا والبهاذيل يامالكي بالحب يرحم سنينك... اللي مضت يوم المشاعر مقابيل اليوم مقفي عل ربي يعينك... وشلون تأصل بك لهذا المواصيل أدورك وأرجاك ما حان حينك... متى تعود تريح الفكر والحيل وينك يامشغل غالي الروح وينك... طال الغياب وسمني جاير الويل..............