ليه يا أمي مزعلاني هو أنا مش أبنك وأنتي أمي فين حضنك الدافي في حنانك الطاغي أنا عارف أنك بتقصي علي علشان بتحبيني بس نفسي أحس بك جنبي تضميني تروني بعطفك عليه ده مهم كان أنتي أمي زعلان منك بس بحبك شايف أصحابي في كل مكان عايشين في حنان أمهاتهم أي حاجه يطلبوه يلاقوها مركباهم أجمل سيارات ومعيشاهم أحلا عيشه ولم يمرضو يلاقو علاج ليهم لكن أنتي قاصي عليه كتير.. يا أمي لم المرض يجي بتسبيني من غير علاج ولاشوفتي ليه وظيفه ولا حتي معاش سيباني أخبط في الدنيا والدنيا تخبط فيه حتي أخواني بتفرقي في معاملتنا واحد فيهم عايش في قصر كبير والتاني واخد أرض كبيرة في أجمل مكان والتالت والرابع معلش ما انتي عيالك كتير هتقولي مش زنبك أنهم كتير انا عايزك يا أمي تكون عادلة بيني وبين أخواني وانا مش حاقد عليهم لكن أنا زعلان منك والله من حبي فيك ده أنتي أمي لكن بتقصي عليه حتي في يوم فكرت أنك ممكن تكوني مرات أبويه مش أمي لكن برجع تاني و أقولك محتاج لحنانك ولحضنك الدافي ده أنتي أمي والكل بيقول عليك أنتي أم الدنيا بحبك بس زعلان منك