صباح الخير يا مصر ....صباح الحب ياأحلى أم للدنيا .أنا سبت جسدي في الكويت وأتيت بروحي ووجداني ليك مشتاق على جناح طائر الليل الحزين ..يا طير الليل إخلع لوسمحت رداء الحزن وإحنا واقفين على أبواب عام جديد الكلام اللي بيتعبنا وفلسفة ديكارت وهيليوم وأفلاطون بلاش منها اليومين دول .أنا هكلفك بمهمة رسمية صحيح متعبة بس عمل بطولي وإنساني .محدش قال لك تسمي نفسك طير ده يومك يا طائر الرخ .بص عاوزة منك تجمع لي كل اللي في الموقع إوعى تنسى حد منهم أقصقصل ريشك بعدين . أول مشوار عند العمدة الأستاذ عاطف الهادي .كبيرنا وحبيبنا روح دور عليه في الواحات والصحاري والوديان بحذرك ترجع من غيره .ولو رفض الحضور معلش المسامح كبير إكذب عليه وقول له فيودة مرت أمامها سحابة الشجون وأخذتها معاها وسابت الموقع .ده خليه آخر حلولك .أحمله على جناحك اليمين ودوغري على مدام مطيعة طايع بصراحة ملناش حق كلنا والغلط لابسنا من فوقنا لتحتينا .يعني جايين على العام القديم وهو بيحتضر والعام الجديد وهو بيطلع من رحم السنوات ونسأل عنها ؟؟أنت ملكش كلام معاها خلي العمدة يطيب خاطرها ويصدر قرار من عند الحكمدار برجوعها وبعدين نشوف سبب غيابها .إستني ياواحة مستعجلة ليه وراكي إيه ؟؟ مهمتك تجمعي مايسة وحرية ومروة وشريفة ودعاء وعدوا على الأستاذة الكبيرة حبيبية الجميع ذات الوجه الملائكي ميمي قدري .معلش يا طائر الليل الحمل صار كبير عليك . وبالنسبة لخيري باشا ده حبيبك أكيد زمانه مستنيك .علاء عبد الحق ؟؟لا طبعا ده معايا في الكويت حاجزين على طيارة وحدة أنا وهو .أستاذ وجيه ندى فين المدونة ؟؟ إنت قبل الجميع هتكون متواجد لا تقول كوكب الشرق ولا ملك العود إنت النهاردة هتكتب أعظم مذكرة في التاريخ .يا جماعة في واحد ناقص بساااام عودة وينك يا زلمة البرد مش مخليك باين كتير اليومين دول رفح قريبة خطوتين تعال يا إبن فلسطين الحبيبة .عااااادل حصة التالي للغالي وإنت غالي حقا بس والنبي عشان خاطري إلبس الدشداشة ولو مرة واحدة عشان قصايدك عايزة كده حاول وخليها مفاجئة وبادرة طيبة والغترة الحمراء دي هتعفيك من السشوار يا بيك .عفارم عليك يا طائر الليل جمعت الحبايب أخيرا كم أنا سعيدة الآن بوجود الجميع ربنا يحميكم ياكتاب شباب مصر صورة كده والنبي وأنتوا مبتسمين .شايفين الباب اللي أمامكم ؟؟ ده باب مكتب الأب الروحي لنا وأستاذنا الكبير وحبيب الناس والزملاء والعاملين في الموقع الفوق فوق رائع/ الأستاذ أحمد عبد الهادي المبجل / .مش عاوزين دور عاوزين فوضى وإحنا ندخل عنده في المكتب عاوزين دوشه وربكة وهيصة عاوزين بصوت واحد وعالي يا جماعة أومال أنا جمعتكم ليه ؟؟ هيه ..واحد ...إثنين ...ثلاثة ... كل سنة وأنت طيب يا زعيم شباب مصر ..إن شاء الله تعالى يكون هذا العام عام خير وبركة على أستاذنا الكبير وعلى العاملين بالموقع وعلى كل الزملاء المتجمعين إن شاء الله تعالى يكون هذا العام الجديد بداية بوارق الأمل بأن تسير مصرنا المحروسة نحو مستقبل أجمل وأفضل وكل عام أحبتي جميعا بألف ألف خير ويمن وسعادة وبركة .كم أتمنى أن أبتدأ العام الجديد وأنا بأحضان الأم مصر وسط أهل لي كنيتهم حزب شباب مصر ..من كل قلبي المشتاق ليكم نفر ...نفر على رأي سهير البابلي أقول لكم كل عام وأنتم بتسعين مليون حب وكرامة ونصر
