حلم ولا علم واقع ولا خيال وشعب جبان وأنا أول الجبناء بس اعمل إيه وأنا محتاس في واقع منداس وخايف على المدام تنداس من بعدى بالمداس . اعمل إيه في خيال كله إمداد وعطاء ووعود مهياش على أد القول ,يقولوها وهما عارفين ,أنها شعارات وهتافات ,يضحكوا علينا بيها وهما عالمين أن إحنا شعب عبيط ,بيصدق اى حاجه تنقال مهو الكلام ببلاش ,والئوطه بعشره جنيه , ياعيني عليك ياغلبان ,الله يسامحك يا زمان ,خليت الغلبان يتهان ,ويخلى بنته تمشى مع ابن الجيران علشان مش عارف يجبلها الأمان ,مهما الأمن والأمان خلصوا من زمان , الله يسامحك يا زمان خليتنا عبيد ,وعن ربنا بعيد ,الشاب يدور على حشيش يبيعه ويقول معيش ,منا بحوش علشان أبقى عريس ,وفجاه يجى البوليس ويقبض على العريس ,أصله ماشى في طريق ابليس ,الله يسامحك يازمان ,مصطفى رضا زعلان ,وايه يعنى ماهو واحد من العبطان ,بيحلم بتغير البلدان ,الله يسامحك يازمان ,مش قادر أكمل علشان تعبان ,وخايف على نفسى كمان وكمان ,اصل أنا واحد من الجبناء ,الله يسامحك يا زمان .....