قالوا الربيع جه أوانه والخوخ ظهر فى السوق والفاكهة هلّت وبانت واستوى البرقوق نزلت سوق الحلاوة ما لقيتشى مطلوبى رجعت لخدود حبيبى وتهت فى جمالهم والخوخ منور مابينهم بيقول تعالى و دوق ..... يا دوب بأقرب شوية لقيت عتاب فى العين بتقوللى إيه اللى جابك قلت.. خوخ الخدين ضحكت شفايف حبيبى ولقيت.. زهور ياسمين بتقوللى.. مالها الفراولة مخلوطة مع برقوق ..... إحترت وإحتار دليلى وعقلى صابه توهان وسكرت مع نسمة حلوة معطرة بريحان وسمعت همسة فى ودنى ولمسة فيها حنان قاعدة تطبطب عليّه وتقوللى ..إصحى وفوق