فشل التوافق على مرشح ثورى واحد من بين أبو الفتوح وصباحى وأبو العز الحريرى يؤكد بما لايدع مجالا للشك إن كل واحد فيهم طمعان فى السلطة ومشروع ديكتاتور وأنه نازل علشان المنصب مش علشان مصر زى ماهما مصدعين دماغنا ليل نهار بمناسبة حمدين صباحى ......بيقعد يجيب سيرة عبد الناصر ويعيط ويقول أنا أبن شرعى لعبد الناصر وبعدين أعتذر للإخوان المسلمين لأن عبد الناصر أعتقلهم يعنى مش مقتنع بقرارات أبوه....ده أبن جاحد أوى أبو الفتوح ده بقى حكايته حكاية......قعد مع الإخوان 22 سنة وفجأة أكتشف أنهم غلط ومبادئهم وحشة ....أكتشف ده أمتى مع ظهور إنتخابات الرئاسة وبيقولولك الراجل طول عمره مش راضى عن مواقفهم الله طب ليه مقدمش أستقالته من زمان ؟! وقدمها مع ظهور إنتخابات الرئاسة بصرف النظر عن التحليلات التى تذهب نحو أنه المرشح السرى للإخوان المسلمين وأن هذا تكتيكهم الأزلى وطول عمرهم بيلعبوا اللعبة دى " مرشح سرى ومرشح معلن" وبصرف النظر عن تمويل قطر ليه من عدمه وتناكته وغروره أنه هيكسب من الجولة الأولى مازلت عند رأيى لا ولم ولن يفز بالمنصب كل مرشح فيهم مشروع ديكتاتور أبو إسماعيل برضه إستماته على الترشح تؤكد ذلك..... غسيل المخ والتغييب الذى فعله فى أنصاره يستحق المحاكمة على تلك الجرائم نرجسية عمرو موسى لاسيما فى تأكيداته على أنه سوف يحل مشاكل مصر الإقتصادية بالتليفون يؤكد أننا أمام مبارك أخر صورة طبق الأصل عصبية أبو العز الحريرى وشعاراته الفاضية بتخلينى أكره اليوم اللى فكرت أبقى فيه يسارى لا ده أنا كمان كرهت نفسى عشان أشول " ربنا يسامحك يا أبو العز بسطويسى على رأى اللى قال أنت رئيس جمهورية ميدان طلعت حرب بس ولا أيه......مفيش دعاية بره دى ثقة ولا غرور ولا فقر الله أعلم......بس فكرة أنك أخترت حزب التفرق قصدى التجمع كده حرقت نفسك وش شفيق.....قمة البجاحة........وهتعرف قيمتك بعد الإنتخابات بس ياريت منشوفش وشك تانى بعديها وجهة نظرى المتواضعة......الرئيس القادم لو أهتم بسيناء هتفرق معاه ومعانا ربنا يولى من يصلح""