قول لي إيه اللي يرضيكي ؟ بوحي بجرحك إمسحي دمعك قومي حبيتي وسيري على جرحي قومي ورتبي هدومك ده إحنا ملناش غيرك وقعتي !! أيوه يا غالية في هاوية الحيرة وقعتي بس لازم اليوم يامصر الأوطان لازم دلوقتي وآن الأوان إنك تشدي حليك ايوه مستغربة ليه لازم تقومي اليوم يومي ويومك افديكي بروحي وروحك زيّ طير في السماء يعانق جرحك جرحي وأنا طير يا غالية بهدّي على اغصانك أستظل بظلك أهجع بأحضانك أشرب من نبع حنانك أبكي لو شفت دموعك أكره نفسي لو ناديتي علي وأنا بغربتي اتلم عليكي مش عارف قومي خذي بإيدي أنا من دون رضاك يا أمي مشلول وعاجز أنا يامصر بنام وبصحى والله ياغالية على صوتك على أنينيك ..على أهاتك قومي يا أمي ..وكافية تستسلمي لمرارة الواقع أنا أبنك بقولك قومي بأمرك أنك تكفكفي دموعك تبصّي للي جاي .إنسي الماضي أحلفك يا أمي تبصّي قدامك نور الشمس بنادي أهدابك يلا قومي ..طريقك طريقي وأنا طير في السماء بس بيحمي ترابك أيوه كده بحبك ...بحبك مصر لما يبقى عندك إصرار وتقدري لوحدك من غير يد الغرباء ومعونات الأمريكان نفسي يا ست الكل دلوقتي تعجني خبيزك توريهم خيرك تزرعي زرعك تسقي أرضك كل ده هيحصل والله لما على حيلك تقومي
