علشان الكلام الحر اليوم أصبح ممنوع واللسان الحر كمان أصبح مقطوع طلعة حباية رمل تتفجر من قلب الينبوع طلعة تحكي حكايتها أيوه حكايتها من يوم مولدها لحد مماتها هي الرمله ياناس بتموت دي حبايه من أرض بلادي مش حبايه ف شجرة توت حبة رمل عريقه عريضه عايشه جوا القلب سنين حبة رمل أصيله جميله مليانه بحب وشوق وحنين حباية الرمل ياناس انطحنت أنطحنت كلها أحزان حباية الرمل ياناس أنصبغت أنصبغت كل الألوان أبيض أخضر أحمر أسود أنصبغت كلها أحزان حباية رمل من قاع النيل من طمي الأرض العطشانه من قلب الفلاح المصري مسروقه منه ف نص الليل جايه تقول حكايتها لكل ولاد الضاد م النيل جايه لدجله جايه لبردي جايه لكل أخوات النيل وأنت كمان أشهد يافرات ضحكه وجوه الضحكه أهات أه للخضره أه للميه أه للصحرا أرض بلادي دي غاليه عليا حتي أن كانت الأرض واحات مصر الحره الحلوه المره الكادحه العرقانه أم الولاد الشقيانه أم الأرض العطشانه أم الشهدا القلقانه التعبانه حتي ف نومها هناك ف القبر أياك تنسي ف بلدنا هناك زرعنا الصبر بس خساره شفت نداله شايف علني مزاد ودلاله هيصه ولمه وفيها قواله مؤامره دنيئه علي بيع صيغة أمي الغاليه علي بيع هدمة أمي الباليه علي قتل راجلها وكل ولادها علي بيع كل أراضي أجدادها شافوها بتضوي شافوها بتنور والنور غطي كل ولادها قالوا كتير راحوا باعوها قوام أخدوها عينيها غموها أيديها ربطوها حتي كمان رجليها قطعوها ولحد كلاب الصحرا خدوها وف ساعة ليل قالوا سيبوها ف كلاب الصحرا هناك هبشوها شايف مصر شايف مصر ضحيه بريئه كلها أحزان شايف مصر لقمه هنيه تاكلها غيلان شايف الحلوه ف قلب الميه تغرق تنزل فاكره جوا الميه أمان لاجوا الميه كلاب البحر تاكل تنهش تزلط تبلع فعلا جوا الميه حيتان شايف مصر شايف مصر قتيله قدامي بس لأمتي يامصر تنامي لمايجي القاصي والداني ويهتك فيكي عرض أعمامي خايف مصر خايف مصر ياحلوه يارايقه تروح منك أحلي معاني كلمة مصر أصحي يامصر أصحي يامصر مع تحيات الشاعر العاشق / نبيل عبدالعزيز