7000سبعه آلاف جنيه مرتب امين الشرطه بالبدلات والحوافز وغيره من غير حسد ومقضيها مواصلات ببلاش حد شاف امين شرطه واقف علي محطه اتوبيس..حد شاف امين شرطه راكب تاكسي ده غير كارنيه الشرطه..ولا يمنع ان هناك اولاد ناس وشرفاء ويستحقون مقابل مايبذل من جهد واخلاص لبلده. حضرتك تعبت في تربيه ابنك ملابس ودروس ومواصلات وكتب وقلق علشان يطلع مهندس وفي الآخر يادخل يااشتغل في سوبر ماركت كاشير ب 1000 او 1500 وياهناك وتبقي فرحان ونسيت الهم وضيعت مستقبل ابنك.بس امين الشرطه حقه يزيد مرتبه...وتكوني طافحه القوته وصحيان من الفجر وتوفير لبس مناسب لبنتك علشان مظهرها قدام صحباتها وتعملي جمعيه وتستلفي علشان مصاريف ودروس وكتب آخر سنه وخلاص مخنوقه وتتحملي بيع دهبك في سبيل تشوفي بنتك دكتوره وفي الآخر تلاقيها في اجزخانه بتضرب حقن او بتبيع مستحضرات تجميل ويوم الهنا لو اتعينت في مستشفي حكومي بعقد مؤقت كل ده ماشي بس امين الشرطه من حقه يزيد مرتبه كمان..تبقي متبهدل في المواصلات وانت رايح شغلك من ميكروباص لمترو لتوصيله من واحد صاحبك وتبقي عامل زي بتوع افريقيا من شجره لشجره ورا الموز ومتعلق في المواصلات وماتصدق ترجع هلكان ياريت ده كمان تقابلك المودام بفاتوره الكهربا الجديده تحس بمسمار حامي خرم صرصور ودنك او حد غدر بيك وضربك بسنجه وانت سرحان بتتفرج علي غازيه في فرح شعبي كله يهون ويتبلع المهم ان امين الشرطه من حقه يزيد مرتبه..وتبقي سايب بلدك واهلك ومتغرب وبعيد عن مراتك وامك وحبايبك وطافح الكوته صيف وشتا علشان توفر وتعمل مستقبل لاولادك ياعمي عديها المهم امين الشرطه مرتبه يزيد كمان وكمان 7000 لحلوح يعملوا ايه غير هبش الكماين واشارات المرور وتجديد الرخص والمخالفات...المهم اللي اتكسر واتحرق في التجمهر والتظاهر بتاعهم ده هيتم الحكم عليهم بالتعويض ويدفعوه لخزانه الدوله زي مالقانون بيقول...طيب امناء الشرطه تظاهروا بدون تصريح هل هيتم القبض عليهم حسب القانون...طيب تعطيل العمل بمؤسسه حكوميه والمساس باستقرار الوطن وسلامته حسب القانون جريمه ولها عقاب هل هيتم ذلك..قالوا ان الاخوان شجعتهم واعطتهم فلوس علشان يتظاهروا ويعكروا صفو وسلامه المجتمع..معاك وممكن وجايز والاخوان خره وزفت ومجاري و يعملوها طيب امناء الشرطه قبلوا الفلوس وقبلوا الرشوه هل ستوجه لهم تهمه تقاضي رشوه ويتحاكموا حسب القانون..هل نعتبرهم خونه للوطن لمجرد انهم تظاهروا وتهجموا علي ممتلكات الدوله وعطلوا العمل واشاعوا الفوضي وطالبوا بزياده مرتباتهم الهزيله 7000 ملوح بس.طيب اصبروا شويه لما القناه الجديده تشتغل خلي في شويه من الاحمرلسه من يومين مزودين مرتبات ومعاشات ناس تانيه اصبروا دوركم جاي هنروح من بعض فين عد. عيلتك ياجحا جيش وشرطه وقضا مستعجلين قوي نسيت واعلاميين بيهبشوا ملايين ويقولك اصبر وشد الحزام وهتاكلوا مصر يعني. طب ياريت هو انتم سبتم حاجه علشان آكلها...لا طبعا ولا هيحصل اي حاجه وسحابه صيف وان شاء الله هيستجيب لمطالبهم وتزيد المرتبات والضحيه اتينين تلاته اربعه محرضين علي التظاهر وقضيه شو اعلامي وحكم مع وقف التنفيذ ويادار مادخلك شر وانت اتنطط ياقرد في المواصلات وانتي يافرحتك ببنتك دكتوره الحقن وانت خليك غني ظلموه في غربتك...المهم ايه ...قول...المهم ايه..انت سرحت مع غازيه الفرح..قلنا المهم ان امين الشرطه يزيد مرتبه وسمعني الست سعاد حسني وهي بتقول ياه ياه ياواد ياتقيل. ويقف ازاي اهو كده كده هو..
