الاولانى غير طريق حد تانى كان طريق نوره عتمه جوه فيه الظلم جانى الغلابه المطحونيين بين ضروس النهاشين الحرامى والانانى .. الحكايه حلم اسود الطرق ملهاش معالم لما قلت لازم احود ع الطريق الزفت عايم قمت واقف انعى حالى .. والاجابه عن سؤالى شوفت فيها حلم تاه بعدها فُقت ف ثواني قلت حلمى مين لقاه قالوا حلمك فاق خيالى .. الضلال جواه اسير والطريق ف ناس كتير اللى ماشى فيه بطوعه وناس تغير الاتجاه وانا مش لاقى اتجاهى .. فيه حقيقه بدون دليل راجعه تعمل مستحيل لابسه عمه وراكبه خيل قالوا عنتر و الهلالى .. لما شافها الشعب داخ فى الربيع غير مناخ الرحله بدأت بالصراخ كله بيشد ف وداني .. اللى قالى قوم وصلى وغيره قالى انت ملى والشيطان بينهم يغنى قولت طب مالكم ومالي