دقت الحرية بابنا قلنا أهلا وقمنا ثُرنا زلنا كل ظلم غاشم فوق ترابنا وفوق صدورنا والضريبة دفع فورى من دمانا ومن عروقنا م النهاردة وعلى الدوام راح يظل عالى صوتنا صوتنا صوت الحق عالى صوته نابض فى صدورنا أما إنته يا شهيدنا يا اللى اسمك فى العلالى ياللى دمك كان شموعنا تمحى كل فروق مابنا تفرش الأحلام زهور فى طريقنا وف دروبنا إنته إحنا وإحنا إنته فى قلوبنا وفى عقولنا راح تعيش العمر كله على المدى وعلى الدوام غنوة حلوة ولحن داير فوق لسانا وشفايفنا وإنته يااللى لسه خايف وبتلّجم صدق الشفايف إحنا خلاص دفنا خوفنا حتى كفناه بكفوفنا حتى الموت صار رفيقنا إحنا عارفينه وعارفنا واحترمنا وملازمنا لما منه كتمنا خُفنا وما عدش حتى يهمنا إيه مصيرنا المهم إننا أحرار وثُرنا