لو ناوى تبيع وتسلم يبقى مالكش فيها ولوو ناوى تنسى وتنام يبقى مالكش فيها ولو ناوى تعيش وخلاص يبقى اكيد مالكش فيها .. ولو مالكش فيها ..إزاى هتصونها وتحميها ولو مش هتصونها وتحميها ..يبقى إزاى تحضن أراضيها وإزاى تقبل إنك تعيش على الهامش لو حضنها ضمك وإزاى لو حضنها ضمك همها مايبقاش همك ولو نسيت حضنها إزاى هتنسى كتف شال همك وإزاى تسيبه يقولك إنك مالكش فيها طب هو ليه فيها ؟00 أمال ليه بيسرق وينهب ويقول دى همى وعشقى وفلوسها على سويسرا يوديها مع إنها لو تهمه كان هيقولك يالا قويها وقومها وعديها دى مصر دى أمك .. لو سبتها مين بس يحميها مين بس يرفع شانها وبروحه يفديها أصرخ بأعلى الصوت وقول بكرة ده هيكون ليها هاعيشه عشان أهنيها وأخليها تحلم ببكرة بحب يهديها وردة أمل مروية عمل واجتهاد وسمادها حب بلاد خيرها عمره ما كان ليها