أثار كاريكاتير مصطفى حسين عن النجم محمد أبو تريكة غضب معجبي اللاعب الكبير ، حيث وصف حسين ، أبو تريكة في كاريكاتير أنه "دماغه ممشية" ، حيث رسم صورة أبو تريكة وطاقم طبي بجواره ويقول الدكتور: "كشفنا عليه لقينا رجليه ممتازة وجسمه سليم بس دماغه ممششة". ويأتي الكاريكاتير بسبب مساندة أبو تريكة لجماعة الإخوان المسلمين، وتأييده للرئيس المعزول محمد مرسي. وكان أحد المواقع نشر خبرا عن إهانة أبو تريكة لضابط جيش في مطار القاهرة، وهو الخبر الذي نفاه النادي الأهلي، ونفاه اللاعب نفسه، مؤكدا احترامه للجيش المصري. صفحة جماهير النادي الأهلي علقت على الكاريكاتير قائلة : "الظاهر كدة ان في ناس مش عارفة أو مش فاهمة مين هو تريكة عند جمهور الأهلي .. لما نوصل ان مصطفى حسين يعمل كاريكاتير زي دة عن أبو تريكة بعد ما أمة لا اله الا الله كلها عرفت ان الموضوع كذب في كذب يبقى دي حملة مسعورة موجهة ضد أبو تريكة . تاني عشان كتر التكرار بيعلم .. أبوتريكةخط أحمر وبلاش تلعبوا بالنار أو تجربوا تلعبوا على وتر أبو تريكة . يا ريت جمهور الأهلي الحقيقي يرد على الكاريكاتير دة . أما مشجعي الأهلي و محبي أبو تريكة تكفلوا بالرد ، وهذا بعض من ردودهم : - يا حارق دمهم يا نجم 22 - تريكه لاعب محترم ما يميزه اخلاقه -مش عارف مين اللى دماغة ممششة اكيد انت يامصطفى ياحسين ستحاسب على كلامة ده ياللى بتسخر من انسان لعله عند ربنا افضل منك بمليون مرة - تريكة حبيب الملايين مش الاهلاوية بس - اذا طلع العيب من اهل العيب مش عيب - ابوتريكه يعنى اخلاق واللى يقول حاجه عليه يبقى انسان عديم الاخلاق ..
