icdl ده اختصار لعبارة the International Computer Driving Licence يعنى الرخصة الدولية للتعامل مع الكمبيوتر والتى تشكل شبح يهدد مستقبل اى شاب فى مصر لان لايوجد اى طلب وظيفة لا يشترط الحصول عليها حتى من فلتوا وحصلوا على وظائف بيطلب منهم الحصول على شهادة icdl لو حابين يستمروا فى وظيفتهم , إضافة الى الطلبة الذين لديهم مشاريع تخرج فى كلياتهم اصبح شرط اساسى كى تناقش مشروع تخرجك تكون حاصل على رخصة تؤكد انك بتعرف تتعامل مع الكمبيوتر. هذه الرخصة عبارة عن منهج يتكلم عن المفاهيم الاساسية لاستخدام الكمبيوتر وهذا المنهج يتكون من سبع موضوعات اساسية لازم تجتازهم كلهم كى تاخذ الرخصة وطبعا اسئلة الامتحان تتحدث دوريا بعد ما اكتشفوا ان الامتحانات يتم سرقتها, لكن السبع موضوعات التى يتكلم عنهم المنهج ثابتة وهى عبارة عن information technology, windows, word, excel, access, internet, power point, اى حد ممكن يأخذ شهادة icdlبصرف النظر عنده كام سنة او معاه مؤهل ايه المهم انك تدرس السبع موضوعات فى اى مركز تعليمى لكن تجتاز الاختبارات فى مراكز معتمدة testing center لان هذه المراكز تخضع لمراقبة وزارة الاتصالات ومكتب اليونسكو فى القاهرة , وطبعا شهادة icdl فى مصر مجانا لان وزارة الاتصالات وتكنولوجيا المعلومات بتقدم أول سبعة اختبارات للوحدات الدراسية السبعة مجاناً فقط تدفع 200 جنيه تامين لمركز الاختبارات الذى ستمتحن فيه ولو انت مقدم على المنحة تبع مؤسسة حكومية يبقى تدفع 120 جنيه فقط المهم ان فى كل الحالات ستأخذ فلوسك تانى على شرط انك تجتاز الاختبارات فى 3 شهور فقط لكن لو تأخرت يبقى عليك العوض فى المبلغ . ولو سقطت فى مادة لازم تدفع 20 جنيه كرسوم اعادة الاختبار مرة اخرى . فانت لو مصرى الجنسية وتعرف تتعامل مع الكمبيوتر التعامل الاساسى المبدأى تروح حالا على اقرب مركز معتمد لك وتاخد معك صورة من الرقم القومى وصورتين شخصيتين وصورة مؤهلك الدراسى ولو انت ولد تاخد نسخة من شهادة الاعفاء من الجيس ,, بس استنى قبل ده كله لازم تدخل على موقع وزارة الاتصالات عشان تعرف اقرب مركز معتمد فى محافظتك .....