في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية.. د. محمد البرادعي: هدفنا الأن يجب أن يكون الوصول الي حزمة يتوافق عليها الجميع بالنسبة للتأسيسيةوسلطة التشريع وصلاحيات الرئيس.حان وقت البناء وتحقيق أهداف الثورة أحمد العسيلي: أنا مش بتّهم الإسلاميين بالفاشية! هم أغلب إسلاميي العرب فاشيين فعلا! :) الفاشية تبدأ لما "تعوز" أخلاق الناس تبقى على مزاجك! عمرو عزت: طيب ليه البرادعي يحضر حفل تنصيب الرئيس اللي مش عارف بالظبط صلاحياته ويحتفل معاهم بالمهزلة؟ محمود عزت: عماد أديب حيرجع ثكناته إزاي طيب؟ دول بنوا فوقه استوديو "بهدووووء " عشان مش حيعرف يخش م الباب عمرو خالد: يقول ابن القيم "من عرف نفسه اشتغل بإصلاحها عن عيوب الناس." اترك عيوب الناس الآن واشتغل باصلاح عيوب نفسك. عمرو واكد: تصريحات ضاحي خلفان قائد شرطة دبي تجاوز يسيء لمصر والمصريين اصحاب المثل الشعبي: الدراهم تخلى للعويل مقدار وبعد ما كان بكر سموه بكار أسماء محفوظ: ان لم تستطع ان تدين المجرم فعلى الاقل لا تشكره أيمن نور: 300متر فقط كانت المسافة الفاصله بين المحكمه الدستوريه حيث كان الرئيس محمد مرسي يقسم ومستشفي المعادي حيث كان الرئيس محمد حسني يرقد سبحانك ربي بلال فضل: من أجل مساعدتك على هري أفضل يستحسن إنك تقرا شوية في علم السياسة عشان تفهم تصرفات السياسيين وإنت بتهري وتكف عن إنتظار السمنة من إيد النملة حمزة نمرة: انا مش مقتنع بالرقابة الفنية..ومقتنع بقوانين خاصة لحرية الابداع ويبقى الفنان هو رقيب نفسه..زي السواقة..قانون وإشارات مرور وسيبني انطلق خالد دياب: حلفنا واحتفلنا والناس صقفتلنا عايزين قرارات بأه. محمد أبو حامد: لا يصح أن يقف رئيس الجمهورية على منصة ترفع مطالب غير دستورية و تتحدى الأحكام القضائية ثم يقسم غداً على إحترام القانون و الدستور محمد فتحي: سؤال اليوم: فين فلوس مشروع العشوائيات؟؟..فين فلوس محمد حسان بتاعة المعونة؟؟ ولماذا مات الكلام بعد لم القرشينات نوارة نجم: حتموتني ناقصة عمر #يامرسي بشماتة الفلول وانا اللي كان نفسي اموت شهيدة #يامرسي .. حموت منقوطة منك ومن الاخوان #يامرسي حازم عبد العظيم: توقفت عندما قال مرسي للعسكري "لقد طالت عليك المرحلة الانتقالية" تذكرت شهداء محمد محمود ومليونية 25/11 بدون ألإخوان التي قصرت المدة يسري فودة: كيف لا تقترب مصر من مصر بينما رئيسها الإخواني معجب بروايات إحسان عبد القدوس؟ ستقترب جابر القرموطي: البرادعي ممكن يوقعوه فى مشاكل هو مش حملها ..دا راجل جنتلمان دعاء سلطان: وتعيشي يا ضحكة مصر ويسقط المتشائمون.. المستقبل يصنعه المتفائلون الحالمون:)) عبد الله كمال: اقسم د.محمد مرسي اليمين الدستوريه امام المحكمه الدستوريه.اصبح رئيسا رسميا.الان اغير وصفي السابق والمعلن ل(25 يناير)من (فعل ثوري)الي (ثوره) عمر طاهر: الناس بترشح للوزارات و المناصب ومقابلات الريس الناس اللى بتطلع على الشاشات بس . أجندات المعدين تحكم مستقبل مصر و الإعلام هينفخنا اول وتاني وائل قنديل: مسألة غير آدمية بالمرة أن يقف سفراء أجانب و شخصيات وطنية مصرية في طابور يمتد لساعتين تحت الشمس لاستلام تليفوناتهم المحمولة من أمن الجامعة
