ضبط الزوايا أو محاذاة العجلات هو أحد إجراءات الصيانة الضرورية اللي يجب القيام بها من حين لآخر بحيث تكون زوايا العجلات متوافقة مع معايير وقياسات ومواصفات مصنع السيارة. الهدف من ظبط الزوايا: تقليل تآكل الإطارات توفير السلامة الكافية لقائد العربية والناس اللي معاه تحقيق طريقة قيادة سهلة وممتعة بدون تحميل على جانب من جوانب العربية (يعني العربية ما تحدفش يمين أو شمال). عدم ضبط زوايا العجل يؤدي إلى مشاكل في التوجيه؟، وفي اتزان العربية، وفي تآكل الكاوتش، ويؤدي لزيادة استهلاك البنزين. لعجل السيارات 3 زوايا لازم تكون مظبوطة والثلاث زوايا هي: ( كامبر + كاستر + تو إن ) camber + caster + to in زاويه الكاستر وهى زاويه العجله بالنسبة للعجلة الموازية لها بمعنى تأخيرها او تقديمها عليها ومثال على ذلك فى حالة تقدم العجله اليمين عن العجلة الشمال فى حالة السير تنحرف العربية ناحية الشمال علشان العجلة الشمال متأخرة عن العجلة اليمين والعكس.. نشرحها بطريقة بسيطة.. افترض أنك رسمت علي الأرض أمام العجل الأمامي للعربية مباشرة "خط أفقي" تماما.. وبعد كده رسمت "خط أفقي" تاني من مركز العجلة اليمين الي مركز العجلة الشمال وبعدين طابقت الخطين علي بعض نلاحظ: في حالة تطابق الخطين علي بعض تماما تكون زاوية الكاستر مظبوطة ولا يوجد ترحيل في العجل.. لكن في حالة تكوين زاوية مع الخط الأفقي في اتجاه دوران عقارب الساعة يعني لو لقينا ان الخط اللي رسمناه بين مركز العجلتين مش موازي للخط الأفقي يعني زي ما يكون الخطين شكلهم زي عقارب الساعة وهي تشير إلي الساعة 9 إلا 13 دقيقة في الحالة دي تكون العجلة اليمين مرحلة للخلف .. والشمال إما ثابتة في موضعها أو مرحلة للأمام. وفي حالة تكوين زاوية مع الخط الأفقي في اتجاه عكس دوران عقارب الساعة يعني كإن الخطين مع بعض شكلهم زي ما تكون الساعة 3 و 13 دقيقة في الحالة دي تكون العجلة الشمال مرحلة للخلف .. واليمين إما ثابتة في موضعها أو مرحلة للأمام. زاويه الكامبر هي وضع العجلة على الارض وكونها زاوية منفرجة أو قائمة أو حادة وهى زاوية خطيرة لأنها لو مش مظبوطة بتسبب تأكل الكاوتش من الخارج لو كانت زاوية منفرجة وتأكل الكاوتش من الداخل لو كانت زاوية حادة. والقيمة الصحيحة لزاوية الكامبر لازم تكون سالبة ولازم نقارنها بالقيمة الافتراضية اللي وضعها المصنع. في حالة تطابق القيم مفيش مشكلة، وفي حالة عدم التطابق لازم نظبط زاوية الكامبر . زاويه التو إن وهى الزاوية المسئولة عن سحب العجلة أو بمعنى أدق فى حالة عدم ظبطها يظهر صوت صريخ أو صفارة عند دخول المنحنيات وتختلف هذه الزاوية حسب العربية سحب أمامى أم دفع خلفى .. لو العجلة (بلغة الصنايعية) قافلة للداخل - لو العجلة اليمين مثلاُ – كإنك بتنظر لصباع رجلك اليمين الكبير وانت واقف علي الأرض وبتلاقيه رايح ناحية رجلك الشمال ولو العجلة الشمال يبقى صباع رجلك الشمال الكبير رايح ناحية الرجل اليمين.. ولو العجلة فاتحة للخارج يبقي العكس.