في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية.. وائل غنيم: مرشحي الرئاسة واقفين في الطوابير زينا زيهم ومفيش لجنة خاصة معمولالهم.. مفيش مواكب ولا ألف عسكري يمين وشمال.. نحن نحطّم الدكتاتورية تحطيما :) أيمن الصياد: الى كل من يكره الثورة والثوار، ويكره نزولهم الى الميدان. احذروا لو فاز أحد رجال مبارك الذي ثاروا عليه، فثورتهم بالتأكيد ستستمر. أحمد ماهر: الاخوان انهارده للأسف بيعملوا كل اللى كان بيتعمل فيهم من الحزب الوطنى قبل الثوره أحمد العسيلي: قالّك الشريعة ولّا مبادئ الشريعة؟ أوبا؛ المادة التانية عبارة عن باب مفتوح للإسلاميين المتشددين إنّهم يطلّعوا اي تشريع يسمّوه إسلامي! وفقط أحمد سبايدر: لاخوان داخلين واخدين الحكايه حياه او موت من اول ماللجنه فتحت علاء عبد الفتاح: نقاشات سلفية سلفية عن الالتزام بدعم ابو الفتوح، بعضهم عايز يدعم مرسي و مضايق من الضغط عليه لدعم ابو الفتوح عمرو خالد: لازم كلنا نروح ننتخب اليوم لأنها أمانة وواجب وطني. انتخب لتشعر بحق الملكية في بلدك عمرو واكد: ماحدش يقول المقاطعة تخدم الفلول. اللي يخدم الفلول هو من سمح لهم بالمشاركة في حين وجود قانون من مجلس الشعب ليمنعهم. ولذلك #مقاطعون أسماء محفوظ: بغض النظر عن عدم اقتناعي بالانتخابات تحت حكم العسكر لكن متأثرة اووي بفرحة الناس بالانتخابات وحماسهم واملهم في بكرة .. ده لوحده تغيير باسم كامل: هذه الإنتخابات تأتيكم برعاية "شوية العيال بتوع التحرير اللي بوظوا البلد".. رحم الله من صمتوا الى الأبد ليكون لنا صوت بلال فضل: لأول مرة في التاريخ يبقى عندنا حق لما نستخدم تعبير "لأول مرة في التاريخ".المجد لشهداء ومصابي محمد محمود بثينة كامل: تعبت من الوقفة فالطابور برضه الديمقراطية رزلة بيقولك مستشار لجنة السيدات شارب ينسون كتير :) باسم يوسف: يا سلام الفيس بوك وتويتر بيحسسوك بالامل والاختيارات محسومة.زي الاستفتاء و انتخابات البرلمان بالظبط.ماكانش فيه مفاجأة خالص د. محمد حبيب: أيها الأحباب..لا تنسوا أنكم صنعتم ثورة أذهلت العالم وأثارت اعجاب الدنيا..سوف تختارون اليوم وغدا بإذن الله من يمضى معكم وبكم لاستكمال ثورتكم حمزة نمرة: مراتي بتسأل مرات البواب هتنتخبوا مين. قالت لما ييجي الدور علينا! هاااار اسووود! خالد دياب: كل انواع المخالفات الانتخابية يقوم بها الاخوان و بيقولك دي مؤامرة والناس دي مش تبعنا طب ما تقطعو الصور الي بتتلزق علي باب اللجان ولا ايه! خالد النبوي: اى واحد يقولى انتخابى لحمدين تفتيت اصوات هاأقوله انت ارهابى ممدوح حمزة: نحلم جميعا بأن تكون للثورة زعيم يحقق أهدافها. نحلم جميعا بواحد مننا يعيد للثورة مكانتها. حمدين صباحي آت ليحقق عيش- حرية- عدالة اجتماعية . محمد فتحي: هو انا ليه حاسس ان موضوع المخالفات ده هيقضي على الإخوان ومرشحهم مرسي.. هل هي أضغاث أحلام نوارة نجم: لو كنا واقعيين ما كناش قدرنا نقول لمبارك "ارحل" بعد تلاتين سنة.. وكان فيه ناس بتقولنا خليكوا واقعيين واقبلوا بتسليم السلطة لعمر سليمان جمال عيد: والناس في مصر نوعين ، شعب وفلول ، الشعب ينتخب مرشحي الثورة ، والفلول ينتخبوا الفلول جابر القرموطي: غريبة !!!! البلطجية يعنى اختفوا نهائي دعاء سلطان: بشكل عام الثورة تكسب والصعايدة رجالة وستات رايحين ينتخبوا ومهتمين بشكل مفرح وواعي بالسياسة سارة مراد: واحد دخل لجنة في كفرالشيخ قال للقاضي "أنا عايز حمدين!" رد عليه مندوب من الحرية والعدالة "رمز الميزان".. في الآخر ال2 اطرّدوا من اللجنة لول عمر طاهر: أحب أعود من الصمت الإنتخابى بإلقاء تحية الثورة علي شهداء الثورة و مصابيها و مناضلينها المجهولين و ع الدكتور البرادعى. نادر بكار: في طريقي إلى اللجنة في الإسكندرية ؛ عهد التزم به ان إذا سألني أي شخص عند اللجنة عن نصيحة من ينتخب فلن أجيبه ؛ أمانة أرجو أن يلتزم بها الجميع نبيل الحلفاوي: أحترم أبو الفتوح وأحبه..لكنى لا أستوعب مصطلح دولة مدنية بمرجعية إسلامية.الدولة المدنية مرجعيتها دستورية.. المرجعية الإسلامية هى لى كمسلم فى حياتى..عبادة..تعامل..زواج..دفن..ميراث.والمسيحى مرجعيته مسيحية.
