اخيرا قررت شركة ابل طرح الجيل الرابع من هواتفiphon4 والذى سيكون مختلفاً تماماً عن بقية موبايلات الاى فون التى ظهرت قبل كده .. فتصميم الموبايل الجديد تم ليكون " أنحف " بنسبة 24% من ipone3 بحيث أن سمكه سيكون 9.3 مليمتر بس .. وبذلك تكون ابل انفردت بإصدار أرفع موبايل في العالم . Iphone 4 لن يكون فقط " أنحف " موبايل في العالم .. ولكنه أيضاً مزود بالعديد من التقنيات الحديثة .. فمثلا موبايل Iphone4 يتوافق مع شبكات HSDPA بسرعة 7.2 ميجا بايت فى الثانية وكمان مع شبكات WiFi بالمعيار الجديد n802.11 .. ده غير خدمات تحديد المواقع العالمية GPS , والأجمل ان موبايل الجديد مزود بكاميرا امامية عشان مكالمات الفيديو وكمان شاشته دقتها 960×640 بيسكل يعنى وضوح الشاشة هيكون مثل وضوح شاشة كمبيوتر اى باد. و ابل اعتمدت على معالج A4 التى صممته قبل كده واستخدمته فى كمبيوتر أى باد عشان يكون موجود فى Iphone الجديد و شريحته من نوع microSIM وأكيد طبعا فيه بلوتوث و بوصلة ، وكمان الجيروسكوب و الموبايل بيشتغل بنظام التشغيل iOS 4 واللى المفروض انه بيتيح البحث على جوجل وياهو ولكن الجديد انه هيكون كمان متاح موقع بينج . وكاميرا اى فون 4 بدقة 5.0 ميجا بيكسل .. أما الفلاش فهو من LED يعنى تقدر تلقط صوراً ليلية جيدة جداً ، ومع معيار الوضوح الذى تتيحه الكامير 720p وبمعدل إطارات 30 إطار في الثانية اذن مفيش حاجة ناقصة غير اننا نعرف السعر .
