حالة من الإنفجار شهدها تويتر امس تعليقا على حوار لميس الحديدي مع الفريق أحمد شفيق المرشح المحتمل لرئاسة الجمهورية، وخصص الشباب لذلك الكثير من الهاشات منها " #CBC #Shafik#ShafiqOnCbc ، #ShafikYaRag" وكان أغلبهم للسخرية من الحوار والنقد اللاذع له، الكثير من التغريدات طالبت بحضور علاء الأسواني للحوار أم أغلب الشباب فتسائلوا عن سر غياب البلوفر!! في السطور القادمة بعض تعليقات الشباب على تويتر حول حوار شفيق في برنامج هنا العاصمة أمس. محمد البعلي: قرر السيد توفيق عكاشة تخليه عن منصب رئيس جمهورية الضحك و كلف الفريق شفيق بتولي امور الدولة. أحمد: لقاء أحمد شفيق أمس يثبت أن عقدة الاضطهاد من الممكن علاجها و لكن أحيانا تأتي بنتيجة عكسية و تدهورللحالة. شيمو طاهر: ملخص حوار شفيق: أنا كوتش! أنا برنس! الكبير أوي: علي رأي المثل.. كل شفيق ليه اسوانى الملثم: شفيق طلع شرير زى غسان مطر وانا اللى افتكره طيب زى كمال ابو ريه! عبد الرحمن وصفي: معلش يا عكاشة محدش فاضي يتفرج عليك اصلك جاي في الوقت الغلط...شفيق مبدع . عمرو: نفسي أشوفه بالصيفي!! حازم خالد: حسني اول ما مسك كان عادي وأصيب بالعظمة، ما شاء الله شفيق مريض من الاول. عمرو البري: لو قابلت احمد شفيق هقولة كلمتين بس: انت حقيقي؟؟ نعيمة علي: انا مش خايفه من شفيق على الشعب أنا خايفه من الشعب على شفيق. حمزة نمرة: بس يي فاندم حضرتك منوّر التيليڤيچان النهاردة يي فاندم. سوشيلاوي ميدياوي: احمد شفيق شكله هو الإسفنجة اللى بيسحبوا بيها الهجوم عن باقى المرشحين...بيمتصوا الهجوم ب البلوفر. أحمد الغمري: شفيق الطيار عايز يبققى الريس هيا زاطط ولا أي. بيرات أوف تويتس: حاسس انهم هايقولوا اسم لوبلوفر دي جينزال أحمد شفيق النهاردة في المرشحين لأوسكار. علي: سيادة الشفيق مرشح نفسه عشان يخسر .. دا مش الدبة اللي ققتلت صاحبها دا اللي قتل الدبة و قتل صاحبها. كوكي: لو كان الرئيس مبارك قريبا لى لافتخرت بذلك أشكر السيد الشفيق فريق لأنه لن يرهقنا في حملات مضادة ضده..ماشاء الله عليه نبيه اوي. جورج: و لما عرضت المناظرة ف التليفزيون فطس المشاهدون جميعا من الضحك و عمت الفرحة أرجاء البلاد. هايدي: يا جماعة إنا عرفت مين اللى عمل كدة فعبد المنعم أبو الفتوح .. شفيق فضح نفسه بتهديده للبرادعى !! مؤامرة بمؤامرة. أوز: سيادة الشفيق بطل يلبس بلوفرات ليه ؟ عكاشة متنكر: تليفيجين يا شفيق وعايز تبقى رئيس !!! حامي الميدان: بمناسبة الكلام عن شفيق...يا تري شفيق البلوفر يحب يقول لشفيق الانسان ايه ؟! إنجي عبد العزيز: اى مشكله تقابلك , تجبلها بنبونى و تعزمها ع الغدا. إسراء مختار عاشور: شفيق بيفكرني بمسرحية محمد صبحي اللي فيها الراجل الصغنن اللي بيقول متقدرش أحمد سامح: تحب أجبلك علاء الأسواني يا شفيق ؟! هالة المحمدي: قلعت بلوفرك ليه يا شفيق ؟ محمد الجوهري: البعض يخلع البلوفر ليفرش الملاية. ميشيل أوباما: عند سؤاله عن إن كان مسؤلا عن موقعة الجمل.. أنكر بشدة قائلاً: والنبي مانا دي أختشي منى! إيموشن: شفيق يتحدي الملل. أحمد علاء: الاثنين فلول، والاثنين مولعين في بعض. خالد مدحت: شفيق: "سأستعيد ثقة العالم الخارجى فى النظام المصرى واقتصاده خلال عام" وأنا كمان كان نفسي أتجوز سكارليت جوهانسون. خالد: شفيق: "أعد المواطن بعودة الأمن خلال شهر". بإذن الله هتبقى أول واحد يتثبت ع الدائري. ليدي جاجا: أين ذهب البلوفر ؟؟ الخطيب: إيه ده ؟ ده أسلوب راجل من المحتمل يبقى رئيس مصر...ده لو لميس داست عليه فى بقيت الحلقه هيعمل لها إشاره بذيئه بإيده. بلكونة في التحرير: بمناسبة الكلام عن شفيق...يا تري شفيق البلوفر يحب يقول لشفيق الانسان ايه محمد الزغبي: انا و اخويا علي لميس وانا ولميس علي شفيق! مدحت: شفيق: "استقالتى من الوزارة أحد أسبابها أن الجهد المبذول لم يؤدى للنتائج المرجوة"المصطلحات دي ما بيستخدمهاش إلا مدرسين الفيزيا. وزا: سيادة الشفيق بطل يلبس بلوفرات ليه ؟؟ تكونش بلوفرات بكباسين ! عبد الرحمن هشام: يا سلام يا لميس با واد يا ثوري يا واد معارض...علي فكره لميس ده اطردت من الميدان و كنا بنقول لها الكدابيين بره النفاق لا دين له.
