يا صاحبى تحبى لبكرة ولاّ تجرى له وتشوف طريقك بشمسه ولاّ قنديله الحلم صاحب يوافى لو هتوفى له ف القلب شيله وعدى له وروح له بعيد يا صاحب الحلم حلمك مش غُنا ومواويل وبلاش تعامله على إنه يادوبك ضيف الحلم لحظة لقا بين النهار والليل الحلم طوق الحقيقة جوة بحر الزيف الحلم طيف الحياة لو حتى كان مكبوت لما يفوت ع الموت يوهب له عمر جديد شمس الحياة بتقيد ف القلب من تانى مهما الضلام بيزيد عايش وحلمى أكيد هينور الفوانيس ويطفش الكوابيس وهيفتح الترابيس لمعانى وحشانى تجرى ف كل وريد وكأنه يوم العيد راجع على المواعيد بالفرح يملانى