في الوقت الذي امتنع فيه السواد الأعظم من المصريين عن صناعة كعك العيد حداداً علي أراوح شهداء مصر من سقطوا ضحايا للعناد والمكابرة من ضباط ومدنيين وعلي رأسهم ضحايا اعتصام رابعة العدوية..الذين يتفنن معتصموه الآن في صناعة كعك العيد بأشكال وحروف وأسماء منها " مرسي رئيسي.. إسلامية.. ضد الانقلاب ".. مما أثار حفيظة عدد من النشطاء وتنوعت تعليقاتهم الساخرة علي الصور كعك الاعتصام المتداولة علي مواقع التواصل الاجتماعي علي النحو التالي: * معملوش تمثال عجوة لمرسي ليه؟ * ألا هو مش كحك العيد بدعه؟؟!! * مصر اسلامية من قبل الاخوان ومن بعد الاخوان نفسي حد يقولي ايه علاقة الاسلام بعودة مرسي او عزله ما تفوفوا بقه. * هناكل كحك في رابعة وهندبح في رابعة وعادي ممكن نصوم رمضان اللي جي هناك برده دا حتي رمضان ف رابعة تحفة مكملين مكملين؟ * يعني انت مش عاوزني اشتري لعيالي هدوم جديدة ع العيد ولا عايزني اضحك من إيفيه في مسلسل عشان الناس اللي ماتت، وانت بتعمل كحك العيد في رابعة؟!! * الاخوان في رابعة عاملين كحك العيد مكتوب عليه مرسي عجنوه وقطعوه.. وهيدخلوه النار.. وياكلوه. * عاجل : مطلوب لاعتصام رابعة ضروري مضارب بيض سكر سنطرافيش او بودرة فانيليا بيكينج بودر. * اعتراضا من شباب الإخوان علي سياسات تصنيع الكحك في رابعة ...تم تأسيس رابطة " إخوان بلا صاج يسقط يسقط كحك المرشد * امريكا: حضور جون ماكين لا يمثل الادارة الأمريكية ويمثل شخصه فقط تقريبا سمع ان كحك العيد في رابعة حلو جاي يدوق. * جون ماكين جاي علشان ياخد نصيبه من كحك العيد من رابعة العدوية ويؤم مرشد الاخوان والعريان ف الصلاة.
