"أنزل وشارك في الانتخابات لو عندك ضمير" بتلك الكلمات دعا الفنان شريف منير للمشاركة فى ثانى أيام أنتخابات مجلس النواب،والتى بدأت أمس الأحد وسط إقبال ضعيفمن الناخبين. شريف دعا للمشاركة عبر صفحته الرسمية على موقع فيس بوك ،وكتب " أنزل وشارك في الانتخابات لو عندك ضمير وامانة تجاه البلد .. انزل وشارك متسبش مكانك وصوتك وتقدم فرصة لاعداءك يتحكموا في مصيرك … انزل وشارك لو انت فعلا مصري حقيقي علشان تبقي محترم ومرفوع الرأس امام نفسك واسرتك ووطنك والعالم " وأضاف " بلدنا ووطنا ومالناش غيره بكل حاله واحواله هنعيش فيه ونموت فيه"،و" الناس المخنوقين من البلد والحكومة ومتضايقين وقاعدين ينظروا ويتفلسفوا علي خلق الله وكل مانقول شيء ايجابي حقيقي يدخلوا يحاولوا يحبطونا بأرآهم وسلبيتهم ..احب اقولكم واقول لنفسي قبلكم قدامنا حاجة من الاتنين يا اما نشتغل ونجتهد وننتج ونعمل المستحيل علشان بلدنا تعدي ونعدي معاها .. يا اما نرحل ونسيبها ونشوف لنا مكان تاني علي مزاجنا .. وانا عن نفسي عايش في البلد دي وهشتغل في البلد ومستعد اقدم عمري للبلد وهموت في البلد من غير مزايدات ولا شعارات وربنا اللي عالم بالنوايا … ومن غير جدل مالوش معني اللي مش عاجبه بلده يتفضل يشوف له بلد ولو اني اشك ان الناس منتجين الطاقة السلبية دول ممكن يلاقوا مكان في اي بلد في العالم."