من الجميل أن يمارس الفنان أكثر من مجال إبداعي، فهذا يدل على حساسيته المفرطة تجاه الأشياء، وبخاصة حينما يكون فنانا تشكيليا مصورا يتعامل مع الفرشاة والألوان، وفي نفس الوقت شاعرا يجيد استخدام الكلمة . إنها الفنانة الشاعرة فايزة عبد المنعم مدير عام المعارض والمتاحف بدار الأوبرا المصرية، والتي تعد أيضا أديبة وعازفة موسيقية. "خيوط من الضوء"، هو عنوان كتابها الشعري الجديد الذي أصدرته مؤخرا، والذي يحمل أيضا رسوما من إبداع الفنانة تعبر عن كل رباعية. ضم الكتاب أربعة أبواب، الأول بعنوان "سراب"، والثاني هو "همس"، بينما جاء الثالث تحت عنوان "مشاكل، أما الرابع فبعنوان "نغمات". من بين رباعيات الباب الأول "سراب" قالت: يا ناس المقالب السخنة في الشغل كتير طايلة كل واحد حتى الغفير كده لله فلله والسبب حاقدين يتسلوا ع الخلق لا أخلاق ولا ضمير شباب هو العوم لعبتي بس التيار عالي وأبويا قال إبعدي أصل الضنا غالي واالأحسن لو ننتظر والعجلة تحلالي قدر عدى الحظ ونادى من تحت البيت اللي عايز حظ يحصلني ولو جريت يجري وأجري ما الحقه حتى لو نطيت وإن عدى ألف مرة مش هاطوله أصل الدنيا بتدي المكتوب مش اللي أتمنيت ومن رباعيات الباب الثاني "همس" شراهة ضمير الخلق مات يا أخونا وشبع موت مع كل جنازة تلقى خياله بيفوت بني آدم أتوحش مع العصر الحديث الشكل لإنسان بس ف بطنه حوت إتعلموا اتجمعت الطيور فالسما بعد العصرية وفضلوا يلفوا فدواير بسرعة وبحرية وكل شوية ينضم واحد ويكتروا أكتر وأكتر سألت نفسي ياترى فيه حاجة غير عادية؟ أتاريهم بيشوفوا حد ناقص قبل ما يروحوا المغربية إيد واحد لما طفل يرمى حجر ويطير بعيد لما شاب يروح هدر ويموت شهيد لما كل الشعب يبقى صوت واحد يبقى شوكة الظلم لازم تنكسر لازم أكيد عزيمة عافر بإيدك وضوافرك لو حتى الكل نافرك ماتبص أبدا وراك لو بني آدم شراك إشتري ولا تبيعوش باظت إيه يا بشر؟؟ هيصة ولا عيد؟ بنات عرايا كأنهم في سوق عبيد وشباب باللبانة والأنسيال بيبعد بعيد.. وأهالي لا عارفة تربي سايبة العيال من إيد لإيد!! إستعمار إلبس وإتخفى برضك مكشوف لو غيرت قناعك هاتفضل معروف عاوزين الأرض والعرض والعقول ممكن تاخدوهم بس لو مش بنشوف قسمة سألت بعد يوم شقا ورا لقمة العيش فين منابي م الراحة ردوا قالو مفيش قلت أزاي؟؟ ما الناس واخده أهيه قالو محدش خد إنتي اللي ما بتشوفيش مافيا إحنا فين إحنا والإنسانية معنى كبير مش فالدنيا ديه الظالم ينهب والقوي يغلب ويدوس حتى ع الأخوية إنسلاخ غيرت جلدك ليه ورضيت تبقى جبان ده الصدق في القول يخليك دايما إنسان راجع كدة لنفسك تلاقيك أكيد غلطان شجاع ومات أحسن من صاحب حق جبان قبيلة مفيش ظهرت قبيلة عندنا اسمها مفيش ماشيين ف الشوارع زي الدراويش سألت قالو دول بتوع العشقاويات الكسوة اللي ستراهم خيش والأكل بيوصلهم تناتيف عيش بلاش أوعى تفرح بمنصب أو بكرسي ده هزاز لا له أرضية ثابتة.. شفاف زي القزاز ف لمح البرق تلقاك مصدوم و واخد طعنة لو ماخدتش بالك إنك جوه البرواز ومن بين رباعيات الباب الثالث "مشاكل" رحيل وقفت جنب البيت اللي كان فيه الحبايب لا ذنبي ولا ارتضيت يكون لي م الحزن نايب غريب كأني ماجيت ولا عشت يوم ف البيت أصل المكان والزمان هما البشر مش حيط الرحمة أطفال الشوارع دول جم منين من أب وأم أكيد جبارين راحوا لمصير مجهول وحزين ذنبهم يلاحق كل الجانيين تشرد أطفال الشوارع مش هم المجرمين المجرم اللي جنى على المظلومين القلب بقى حجر والعقل غفل والضحايا في الشوارع هايمين شر المقص والترس والمفك وغيرهم ألوفات وتزيد الأسماء وتكتر الصراعات والضحايا إحنا في كل الأوقات ومين يمنع الشر وحرب العصابات الغالي رخص باعوا الهوا للي عايز باعو الفضا أيوه جايز حتى الكلام سوقوه بفهلوة والغش خلا الغالي ببرايز نضال مستمر آمن أن جهاد النفس أصعب جهاد تقاوم التيار المنحرف وكلك عناد تنضرب تنهزم تقوم زي العفريت لو تكاتروا عليك دور على اللي زيك عشان ولادك مايشوفوش فساد سكينة جوه البيوت أمك وأمي أخويا وأخوك اللي من دمي على الحلوة متجمعين كلنا وعلى المرة يبكي دمعنا ما البيت يساعنا كلنا لو نكون راضيين فروسية ف البراح تقف الخيول صفوف صفوف فوق الخيال والعيون تتملا منها ألوف شوف الدلع والخفة خطوات ما تعرف خوف عاوز تكون ملك اركب شوية وطوف تفاوت يلا نجيب في سيرة الناس فستان هايدي بايخ الأحلى القرطاس لوسي عدت بمحزق عملاه بمقاس والناس في الأتوبيس ما بين مفعوص ومحتاس سلسلة الشر بيكبر كل ثانية ويخوف الملايين مارد خرج من القمقم له ألف بق وعين ضحك خاف الغلابة بعد ما كانوا آمنين آكل لحوم البشر أصل ف بطنه جنين وحيد طاوعت نفسك ليه وجاريت المغريات ما حرمت روحك يوم من كل الملذات وخلص شبابك من غير ما تفيد حد النهاردة ما حد خبط عليك ولا فات ومن بين رباعيات الباب الرابع "نغمات" اتحدوا ديناصور غريب وله أكثر من ديل تقطع واحد يطلع غيره في الليل اتلموا عليه كلهم وبضربة وقعوه والأيد الواحدة قوية وآدي الدليل أصل الهمجية والغدر بشاعة وويل أنا ده أنا مين؟ أنا واحد م الملايين جيتها وشلت مع الشايلين قلبي رجف.. لساني هتف لعدو بص لها بعين صائد فوق الشجر حطوا بعد يوم طويل كله شقا مابقتش تنفع المواويل السعي لجل الولد الصغار الزغاليل ولكل طير أكال ما يرحمه لو ف حضن الليل إنسان بالريموت إنسان النهاردة بالأرقام والريموت إحذر منه لأنه قلاب وتروسه موجودة في دولاب ردود أفعاله زي إنسان الغاب بدون سبب تظهر له أنياب وممكن يبلعك ولو أكلته كباب تغيير سألني واحد عن الجدعنة هي اختفت فين قلت موجودة بس عايزة تصحى حبتين إحنا اللي بدعناها وضيعناها لما إتغيرت السنين حلم حبيب وعاملي فالنتينو والجيب مفهوش غير منديلو يحلم بقصر مفروش وجواري فاق على صوت بيناديلو يا واد أوم أوزن 3 كيلو جحود العالم اللي حوالينا بقى مادي مصلحتي ومصلحتك أدي.. تدي يعني تبادل مصالح بس بينا مشاعر مفيش والله كان بودي مغريات يا دنيا ليه اتشقلب فيك الحال كفة فيها الحق والتانية فيها المال واحدة الدنيا.. وواحدة الآخره تختار أيه بقى يا إنسان؟ امتداد اقطع ديل الحية يطلع لها ديلين أزرع زهرة واستنى تطلع تسر العين يقطفها غيري في ثانية الغدر نهايته فين المغنطة سحر ده ولا مغناطيس لأ.. دي جاذبية لغة يفهمها قوى كل سكان الكرة الأرضية اسمها الفلوس يا حلاوة ألونها القرمزية جزء صغير للموظفين وقال بيسموه الماهية دنيا شايف إيه بذمتك فيه شيء حل حواليك؟ حتى اللي كان دهب بقى تراب قدام عينيك فاضل أية بقى؟ إلا الألم والحسرة تعمل خير للبشر يترد حقد عليك شيلة شايلين مشاكلنا وماشيين بيها مش عارفين في أي مكان نوديها نحطها شمال.. نجيبها يمين ما ينفعش يا تولع فينا يا أما نولع فيها لغز الستات عالم كبير تحتار فيه أنواع العنف والغضب تلاقيه وكتير م الحنان والحب تخفيه تطلعه وقت اللزوم.. للي ترتاح ليه وبرضه تاخده م اللي مش.. جدير بيه أحزان تعرف أيه معنى كلمة إكتآب دي آخر مرحلة من العذاب يعني الإنسان يكون خلاص إستوى جسمه تعب م الهم وعقله غاب وجوه عندك حالة نفسية.. طب ابعد عننا عاوزنا زيك حرام.. خربت مخنا الحاجة مكانها هنا.. وتوديها هنا وإن قلنا مش كده.. تغير دمنا لو كلكعت الأمور.. هانغير وشنا بشر طالع يا قطر م المحطة محمل أشكال وألوان شايل هموم بالكوم أحلام وأحزان عمال في آخر اليوم لعيالهم مروحين وموظف مزوغ م الكمساري من مكان لمكان حوار الفصول قال الخريف للربيع: تعال وأقعد شوية رد الربيع وقال: ابعت لي أمنية قال الخريف: لو السنة.. تبقى ربيع كلها أصل البشر بيزعلوا لما أزورهم المغربية تخرجت الفنانة فايزة عبد المنعم في كلية الفنون الجميلة قسم الديكور عام 1974، وحصت على شهادات في التفوق الموسيقي أثناء مراحل الدراسة، عضو في عدد كبير من جمعيات الفن التشكيلي. تقلد منصب رئيس قسم تسجيل المتاحف بالمركز القومي للفنون التشكيلية، وانتدبت بالعمل بالمركز الثقافي القومي "دار الأوبرا" عام 1988، وتم نقلها بعد ذلك للعمل بها، اختيرت ضمن العاملين المثاليين بالمركز الثقافي القومي عام 1991، وكشخصية مثالية عام 2001. شاركت أيضا في العديد من اللجان الفنية الخاصة بالمقتنيات، كما قامت بعملية توثيق لجميع المقتنيات الفنية الموجودة بدار الأوبرا توثيقا فنيا، وقد نشر لها بعض القصص القصيرة بالجرائد الرسمية، واستخدمت بعض القصائد الشعرية التي قامت بكتابتها في أعمالها التشكيلية، وهي تشغل حاليا منصب مدير عام المعارض والمتاحف بدار الأوبرا المصرية