أى كلام وهكذا تعود الامور الى نصابها غير الصحيح واخيرا يعوج المستقيم ويخرج القطار عن القضبان ومن أجل أن تهرش فى عينيك تفقئهما. ثار الشعب وغسل ثوب الاستكانه الذى ورثه عن الاجداد بدماء حمراء قانية فعاد أسدا هصورا يخشاه القريب والبعيد . ولكن هاهو الأسد المغوار يستحيل الى قطة سيامى مدللة تتمسح فى أى حذاء ، فهل هكذا هو حال الاشياء ؟ ولولا بقية من حياء لذهب القاتل الى القاضى يطالب بشنق الشهداء ، اخرسى ولا تصرخى ايتها الدماء . مبارك براءة علاء براءة جمال براءة سوزان براءة سرور براءة صفوت براءة ... باختصار اكتب اللستة كلها وحط قدامهم كلمة : براءة .. ايوة كدة بمنتهى البراءة طلعوا كلهم براءة .. إذن من الذى خان وقتل وهتك وسفك وهان ؟ ولو عايزنا نرجع زى زمان قول للزمان ارجع يازمان. عايز دستور .. خد دستور .. لكن أياك تقول مأخدتش .. لكن من الان انسوا كل ما كان ف25 يناير كانت مجرد اوهام ورجس من عمل الشيطان وكما قال توفيق عكاشة حكيم الزمان ف30يونيو كفاية و زى الفل وتمام التمام ، من الان التظاهرات حرام حرام حرام والخروج على الحاكم يستوجب الكى بالنيران .. فهمت ولانعيد كمان . وحق الشهداء .. والعيش والحرية والكرامة الانسانية .. وكل الاغانى الوطنية .. وبكره اللى هيكون احلى .. ارحل يعنى امشى .. لكن يبدو اننا احنا اللى مبنفمهشى عايزين ديمقراطية ؟عايزين تتخبوا رئيس الجمهورية ؟ حاضر من عينيا .. وجابولنا الشيخ مرسى .. مسمار جحا فى الحيطة وعلشان نخلعه يا حلوين هنضطر نهدم الحيطة ونهدم البيت على دماغكم كمان .. وهدموا البيت . متخافش هنبنى البيت من جديد .. بيت واسع جميل وعلشان انت طيوب وبتسمع الكلام .. هنبنى لحضرتك اوضه فى الجنينة .. هنااااك .. بره البيت ... ايه ؟ رضيت ؟