أبدى الدكتور سعيد حساسين، عضو مجلس النواب، عن استيائه من الحفاوة الكبيرة التي تم بها استقبال اللاعب الأرجنتيني ليونيل ميسي بالقاهرة، قائلًا: "كل ده كان ليه يعني"، موضحًا أن تلك الزيارة تسببت في تعطيل بعض الطرق المؤدية من وإلى الأهرامات والمناطق المحيطة بها. وقال في برنامجه " إنفراد"، على قناة "العاصمة"، أن ميسي تقاضى في تلك الزيارة التي لم تستغرق سوى يومًا واحدًا مليون يورو بما يعادل 20 مليون جنيه، معلقًا على كيفيه استقباله: "إحنا إزاي نخرج السياح اللي المفروض نقولهم ابقى جيبوا اخواتكم عشان تأمين ميسي في الهرم". واردف: "ميسي استأذن بسرعة ومشي من الحفل، ده إيه التناكة اللي هو فيها دي، أنا مش معترض على أنه جه مصر، أنا نفسي كل يوم ييجي نجم زي ميسي وكريستيانو رونالدو ونيمار وغيرهم، بس إحنا بلد 7000 سنة حضارة مش 20 سنة بس عشان نعمل الاستقبال ده كله للاعب كرة".