انتشرت في الآونة الأخيرة مقاطع مرئية من أحداث شارع محمد محمود ، يصاحبها قراءة لقصيدة "مكملين" بصوت الشاعر الشاب هشام الجخ، يقرأ قصيدته بمناسبة الموجة الثانية من الثورة المصرية وما صاحبها من سقوط شهداء وضحايا، وقد كشفت أوجاع كل مصري قرر النزول للميدان لاستكمال الثورة قبل إجهاضها . "مكملين" للى مش فاهمين نقول .. للى مش فاهمين نزولنا .. للى معاشوش ظلمنا ولا قهرنا وحسوش نزول للى مداقوش مر جوعنا .. اللى ماناموش فى الشوارع كالدبايح كملوا بالليل عشاهم بالصفايح .. للى مش فاهمين مهانة الرجال
قهر الرجال ..
للى بيقولوا علينا حبة عيال ..
احنا مش حبة عيال. للى مش فاهمين نزولنا .. للى معاشوش ظلمنا ولا قهرنا وحسوش نزول للى مداقوش مر جوعنا .. اللى ماناموش فى الشوارع كالدبايح كملوا بالليل عشاهم بالصفايح .. للى مش فاهمين مهانة الرجال
قهر الرجال ..
للى بيقولوا علينا اننا حبة عيال ..
احنا مش حبة عيال. احنا شوفنا النيل بينشف فى البيوت واما يجرى ...
يتفرش حمام سباحة فى قصر باشا مستكترين فيا الغضب ..
مانا كنت غرقان فى البشاشه كنت راضى ببوق مايه واقول دى هنا
كنت ببكى فى القصايد .. كنت بشتم فى القصايد..
تتقطع ايدى اما قولت حبيبتى ماتت للى مش فهمين نزولنا فى الشوارع .. احنا بندور على الحلم اللى ضايع .. احنا جرينا النفق فى عروق عيالنا يكبروا فاهمين حاجات مافهمنهاش.. اقبل انى اعيش عشان حلم وقضيه بس ماقبلشى انى عمرى يضيع بلاش مااحنا سيبنلكوا البلد مانصفتوهاش ماتلوموش على اللى اتعجبن فى المعجنه واللى اتظلم واذا كنتوا فاكرينا غنم .. على حظكم أنا جِدْى فاق فاكرين زمان حذرتكم مستنى ايه من طفل رَبُّوه بالزعاق لَذَا كنتوا فاكرينا غنم
على رزقكم أنا جِدْى فاق
أرزاق.. للى مش فاهمين نزولنا فى الشورع .. لحكومة عودتنا على الشوارع بيتتنا فى الشوارع نيمتنا فى الشوارع الحكومة قفلت على نفسها كل البيبان
خوفتنا من البيبان ..
فاترمينا كلنا فى حضن الشوارع
اكتر مكان لقيناه امان ..
للى خايفين على البلد لحسن تموت
ماتخافووووش
الموت سكوت ..
واحنا مش فى الخطه اصلا ان بكرة يكون سكوت .. احنا شايلين حملنا ومكملين ..
بكرة بيشاور علينا واحنا مش مستعجلين
مااحنا لينا كام سنه متكتفين
صابحين فى طين .. نايمين فى طين
احنا بنأسس بلد تسمع شكاوى المظلومين
نشتغل نلقى عرقنا لينا
مش فى جيب النصابين نشتكى نلقى اللى يسمع شكوة الناس الغلابه الطيبين
احنا بنشكل بلد لاهى خايفة من صوت الاذان ولا خايفة من ان الكنائس تتبنى
احنا بنشكل وطن عافيان غنى
مش وطن يخدم 15 نفر ويبات جعان
احنا مش عاوزين وطن مزلول مهان
"المصرى مش لايقة عليه كلمة مهان" يقولك احنا عملنا فوضى