لقى هاشتاج "حلوان" الذي دشنه عدد من نشطاء موقع التغريدات القصيرة "تويتر" اهتماما كبيرا من رواد الموقع، وذلك بالتزامن مع حملة النظافة التي تمت صباح اليوم الخميس، لإخلاء الباعة الجائلين بمحيط محطة "مترو حلوان" ونقلهم إلى موقفي عين حلوان وتوشكى. وجاءت تعليقات النشطاء أغلبها مؤيدة، في مقابل اعتراض عدد قليل على هذه الحملة. وقالت "نسمة عزام" معبرة عن فرحتها بحملة النظافة: "خلاص مش هنسمع صوت الراجل اللى بيقول: لو شريحتك ضاعت او اتسرقت او اتحرقت يمكن استبدال شريحة موبينيل او فودافون او اتصالات فى الحال". وقال "مروان محي": "مش متخيل انى هروح اركب المترو الصبح مش هلاقى الراجل بتاع " اى ريموت ب 7.5 اى نضارة ب 7.5 " انا بجد حبيته". وعلق "رامي" على الحملة بقوله: "حلوان حبيبتي عادت بعد غيبه طويله". وفي المقابل قال أحد النشطاء المعارضين للحملة ويدعى "معاذ": "أكيد محدش ضد النظام لكن فين حقوق سكان المنطقة، بس عشان تبقى دولة لازم تحدد أماكن منظمة وحيوية للباعة الجائلين مش تمشيهم وتزود البطالة".