تنظم مجموعة "أحباب الكلمة" بالمشاركة مع لجنة الشباب باتحاد الكتاب أمسية شعرية للشاعر الكبير صلاح الراوى ، وذلك مساء الخميس المقبل بمقر اتحاد الكتاب بالزمالك. الشاعر صلاح الراوى من مواليد مدينة أسنا بمحافظة قنا عام 1946 ، وأصدرت له سلسلة " مكتبة الدراسات الشعبية" دراسة بعنوان " الشعر البدوى في مصر" الهيئة العامة لقصور الثقافة ، وهى الدراسة التى حصل من خلالها على درجة الدكتوراة .
في احدى روائع الراوي يقول : واللهِ يا ابنى لقيتنى مت معاك أدى راسى أهى مستقبلة الضربة هنا وهناك الأولانية ف سن السور والتانية والتالتة والدنيا بيّا تدور والعاشرة والمية وأنا برضه زيك كأنى مرمى من ميت دور وسنانى طارت جنب سن الرصيف وآدى العما بيخشنى فيّه ورا فيّه وأنا القتيل اللى مالوش ديّة ودمى مش دمى على الحيطة وع الأسفلت خنت الوطن يا ياربى ولاقتلت ؟ ! ولاّ قطعت الطريق ع الناس حرقت نهبت ؟ !
***
واللهِ يا ابنى لقيتنى ويّاك مت ولقيتنى برضه متهم ويّاك بإنى سألت : ليه ياشَرَك مظبوط على قدّى ؟ ! ليه يا قانون على جثتى معدّى ؟ ! ليه بس يا امى تجيبى وتودّى ليه الحبل بيّا وليه الوجع والندهة للمرسى أبو العباس والطلق ليه والنفاس ليه السبوع والتسمية ب خالد ليه الرضاع يا أمى ليه الفطام ليه الغنا والضم والتهنين طب ليه وجع تسنين وانا سنتى هتطير بعيييييييييد عنى وتشوّه الصورة هل كنتى عارفه اللى مسطور ع الجبين والزور اللى اتحشى بالزور هل كنتى عارفه إن يومى قبل اليوم الناس ما املكش حتى أنادى ولا اهمس : ( آآآآآآآآآآآه يابا حوش دى الكاس ) ف الدخلة ف الخرجة قلبك يا حبيبة القلب بيصلى ويكبّر الله اكبر عليك يا حلو يا خالد هل كنتى عارفة الحقيقة وتتخبى ورا الأوهام وانا بره بابك يا أمى منتظرنى النظام متخبى .. لا علنى آدى اليفط مالية الشوارع تزحم الدكاكين الحزب قال وطنى وكأنها يا أمى مش بلدى ولا الوطن وطنى .
