قال «عمر جابر» فى تصريحات لبرنامج هنا العاصمة الذى تقدمة الإعلامية «لميس الحديدى» عبر فضائية «سى بى سى» : نزلت الإحماء قبل المباراة وجسدى يرتعش ولم أستطع الوقوف وكانت الجماهير تقوم بسب اللاعبين لأنهم وافقوا على لعب المباراة ، وانا ذهبت للجماهير وطلبت منهم عدم سب اللاعبين ، وبقول لكل لاعب غلط فيا انا مش هقدر اغلط فيكم ولا هقول عليكم نص كلمه . وأضاف جابر : "أنا فعلاً ملعبتش بسبب أنى كنت مجهد بسبب الدخان والسبب التاني نفسياً فعلاً عشان انا كنت شاكك ان في شهداء سقطوا بره حتي لو كانت إشاعه ساعتها بس انا حلفت اني مش لاعب المباراه. وأكمل عمر جابر حديثه : ياريت جماهير الزمالك متشتمش لاعيبه الزمالك عشان خاطري انا اشتموني انا بس محدش يشتمهم حتي اللاعيبه دي غلطت فيا انهارده بس انا مسامحهم كلهم .وأكد عمر جابر أنه لو عاد به الوقت مرة أخرى كان سيتخذ نفس القرار و لن يلعب المباراة . واختتم عمر جابر : "انا مش هقدر ألعب خالص الفتره دي ومحتاج أبعد شوية خالص عن الملاعب وعن الزمالك ومش هاخد فلوس من الزمالك والشيك اللي كنت هصرفه الشهر ده هيرجع للإداره .