دشن عدد من النشطاء على مواقع التواصل الاجتماعي "هاشتاج" بعنوان"#متضامن_مع_باسم_يوسف" لدعم الإعلامي الساخر باسم يوسف، والتنديد بقرار شبكة "سي بي سي" بتغريمه مبلغ 50 مليون جنيه، كان مركز القاهرة للتحكيم الدولى، قد أصدر حكما بإلزام كل من الإعلامى باسم يوسف وشركة كيوسوفت، بأن يؤدى كل طرف منهما 50 مليون جنيه، لمجموعة قنوات سى بى سى "future media، نتيجة إخلال باسم يوسف وشركة "كيوسوفت" بالتزاماتهما التعاقدية وإنهاء تعاقد برنامج "البرنامج" فى نوفمبر 2013، وبث البرنامج فيما بعد على شبكة إم بى سى. ومن جانبه علق باسم يوسف على الحكم ساخرا كعادته حيث قال : "تاخدوا الخمسين مليون اسياخ.. جربوا تاخدوهم #يحيا_البرنامج". وأعلن النشطاء من خلال التدوينات دعمهم لباسم يوسف وأطلقوا عبارات السخرية من قرار الغرامة، حيث أهدى الفنان محمد عطية باسم يوسف مقطوعة غنائية قصيرة قال فيها : "قالوا عليه البطل .. قالوا عليه اراجوز .. صابه الهلع والهطل .. صبح البطل مهزوز .. دى حكاية فيها البدع .. من الهزار اتفزع .. بطل ايه ده بس يا جدع .. والجبن فيه ملحوظ". وكتب عطية فى تغريدة عبر "تويتر": "مؤيدين السيسى اللى نازلين شتيمة فى باسم يوسف لو قلبت عندهم فى التايم لاين هتلاقيهم كانوا طايرين بيه أيام الإخوان.. #متضامن_مع_باسم_يوسف". فيما وصف محمد الجارحي الحكم بأنه حكم سياسي وقال :"مين لسه عنده شك بعد ما شاف بالمستندات #فضيحة_حكم_باسم إنه مش حكم سياسي؟؟". فيما علقت داليا عزت قائلة: "ما وراهمش غير باسم ولا ايه؟.. اللى يخاف من نكته يبقى نكته. #متضامن_مع_باسم_يوسف". وسخر صاحب الحساب "مؤسس نظرية البلح" من الحكم الصادر ضد باسم قائلاً: "تعرض تاخد حته أرض تعمل بيها شو وانت نازل الانتخابات .. تعارض ..يسكتوا صوتك ومش بس كده عايزين منك 50 مليون #متضامن_مع_باسم_يوسف". وأعاد محمد امام نشر مقاطع فيديو مسجلة لحلقات باسم يوسف فى البرنامج وعلق عليها قائلاً: "#متضامن_مع_باسم_يوسف المحترم الثابت ع مبادئه الذي تصدى للإخوان وهم في الحكم, ثم تصدى #للسيسي_كفتة ولم يتراجع يكفيه" وفى نفس السياق قال شادي سرور "تغريم باسم يوسف 100 مليون جنيه بسبب برنامج حر والناس اللى نهبت في البلد مسمعناش انهم دفعوا جنية وده قمة الإعجاز العلمي. #متضامن_مع_باسم_يوسف". واستنكر "بكارBakkar_74 الحكم قائلاً: "منعوا مقالات عم بلال فضل عشان الناس البسيطة متقراش كذبهم ومنعوا حلقات باسم عشان في عز الضحك كان بيفضح غبائهم وجهلهم. #متضامن_مع_باسم_يوسف". وكتب حسام حسن : "فى وسط الكذب والجشع .. فى وسط النفاق والطمع .. طلع الجدع قال كلمته وهى دى كانت تهمته #متضامن_مع_باسم_يوسف". وكانت من أبرز التدوينات المتداولة أيضا للمدونة "هبة الجناينى" والتى قالت فيها : "الحكم بيقول "البلاد لم تكن بحاجة في ذلك التوقيت إلي برامج سياسية" يبقي المفروض يغرموا قناة cbc كمان مش البرنامج بس #متضامن_مع_باسم_يوسف.. طب يا باسم انت ترجع البرنامج و هما يلغوا الغرامة ، ماهو ياتوفر ولهم الكولة يا توفرولهم هوا نظيف #يحيا_البرنامج".