بعد ساعات من إعلان الصفحة الرسمية للفنانة صفاء مغربي عن وفاتها، وتأكيد أصدقاءها للخبر ونشره في عدد كبير من وسائل الإعلام، أكد المخرج يوسف شرف الدين زوج الفنانة أنها مازالت على قيد الحياة، وأن من فعل ذلك سيأخذ عقابه. وكتب يوسف شرف الدين على صفحته بموقع التواصل الاجتماعي "فيس بوك" : "حسبى الله ونعم الوكيل.. صفاء فى غيبوبه وبيغم عليها من امبارح وقولت ده من بدرى لما كانت بدار الفؤاد وحالتها صعبه وقولت بسبب وجع شديد بصدرها من أسبوعين.. ليه كل قلة الأدب دى حسبى الله ونعم الوكيل، وأرجو كل المواقع التواصل الإجتماعى تمسح كل حاجه واى خبر عشان لو فاقت هتموت من اللى مكتوب حرام عليكوا..ومحدش يتصل بيا التليفون بيفصل كل شويه ايه مصر كلها بتتصل بيا ؟؟ ضغطى علي، وانا اللى هموت من الخضه والشوشره دى كله له حساب معايا، بعدين بس تقوم صفاء بالسلامه ودينى اللى عمل كده هياخد عقابه صفاء مغربي عايشة الحمدلله. كما نشر المخرج يوسف شرف الدين، 6 إيصالات (فواتير دخول زوجته الممثلة صفاء مغربي) للعلاج داخل مستشفى دار الفؤاد، وكتب: "حسبى الله ونعم الوكيل، اهو ست إيصالات من دار الفؤاد بتاريخ 2/12 لأن بعض الحاقدين وذوى النفوس الدنيئة اعتبروا إنه تصرف غير مقصود من أخت صفاء اللي ردت على تليفونها أثناء إغماء صفاء ظنا منها أنها ماتت. بعض اللي معتبرين نفسهم زملاء اعتبروا إن دي إشاعة وفيلم هندي للشهرة لا أنا ولا صفاء محتاجين الشهرة وأول كلامي طلبت منكم تمسحوا كل حاجه عشان متتخضش أو يحصلها حاجه". وتابع: "مفيش حد بيعمل إشاعة على موته، الإشاعة ليها طرق وأساليب كثيرة".