فريق «أنا أسف يا ريس» يعترف بالتعدي بالضرب على المستشار الخضيري محيط – ماجد يحيى
محمود الخضيري القاهرة: اعترف مؤيدو الرئيس المخلوع حسني مبارك بالتعدي بالضرب على المستشار محمود الخضيري نائب رئيس محكمة النقض السابق، أثناء حضوره محاكمة مبارك وأبنائه يوم الأربعاء الماضي.
وكتب أدمن صفحة «أنا أسف يا ريس»: "آسفين ياريس" تعترف بضرب الخضيري...أشمعنى لما ضربنا الخضيرى الدنيا قامت ولما اخوتنا و بناتنا و امهاتنا اضربوا فى نفس المكان و فى نفس الجلسة لم يتكلم عليهم احد؟ الجزاء من نفس العمل.
كما كتب الأدمن في وقت سابق: "مش قلتلك الدرس هيبقى موجع أوي يا خضيري... وقد كان وجنب عربيتك وفي وسط المحامين بتوعك وفي عز الضهر كمان".
وتتخلص أهم التعليقات على الحدث داخل صفحة "أنا أسف يا ريس" في الآتي:
أسماء أحمد: والله انتوا رجاله بجد ربنا يحميكم اي يحد يغلط في الريس لازم يعرف هو اه
إبراهيم فكري: احسن ربنا ياخده هو وكل اخواته بتوع الميدان.
دعاء أحمد: في داهية واللي هيقول راجل كبير هنرد علية ونقوله ما انتوا اهنتم اللي أكبر قدراَ وقيمة أهنتم رئيس بلدكم فتوقعوا أن يهين الأبن والدة أزي هنعرف نربي أولدنا بعد كدة ونقولهم احترموا الكبير خلاص خلصت وبقينا في زمن الغوغاء والهمج وياله بقا خلينا نعيش الحرية.
إيمان العربي: والله العظيم رجاله هو دة الصح كل اللى يهين الرئيس يضرب بالجزمه مش بالطوب.
على الجانب الآخر، شهدت صفحة «كلنا خالد سعيد» موجة من التعليقات الساخطة على الحدث، والتي تستنكر الاعتداء الذي تعرض له المستشار الخضيري.
وكتب أدمن صفحة «كلنا خالد سعيد»: منطلقاتهم في الدفاع عن مبارك هو كبر سنه ووجوب احترام الكبير .. وفي نفس الوقت اعتدوا على المستشار محمود الخضيري وتسببوا في إصابته بكدمات مع إن عمره فوق السبعين سنة وهو متوجه امبارح لمحاكمة مبارك وأعوانه .. لا فعلا عندكم مصداقية.
صفحة انا اسف ياريس على الفيس بوك وكانت أبرز التعليقات من رواد الصفحة التي تخطى أعضائها المليون ونصف الميلون عضو كالآتي:
نورين رائد: ايه شغل الحوارى ده هو مش الخضيرى ده بردو راجل كبير وزى ابونا _هو ده اللى زى ابويا بجد مش عميل الصهاينه _ انا كش عارفه ايه اكتر من ان الصهاينه زعلانين على مبارك ممكن يرجعهم عن اللى هما.
منتصر صلاح: اطالب بتوقيع الكشف الطبي علي هؤلاء المتأسفين ياريس..لو ثبت انهم اصحاء عقلينا فيجب محاكمتهم وانضمامههم الي فريق طره وتوجيه كل التهم الموجه الي النظام السابق اليهم لانهم هم الوحيدون المستفيدون من النظام السابق ولم يزوقو ا ما ذقناه ولم يتجرعوا ماتجرعناه ولم يتألمو لما تألمناه فيجب محاكمتهم باعتبارهم جزء من هذا النظام الفاسد...
أكرم فودوو: ياجماعه الواد صاحب البيج بتاعت انا اسف ياريس ده انا عارفه والله وساكن جنبى فى المنطقه لو عايزين تعرفو قولو لى هوه مبدايا اسمه كريم حسين.