بمدونتها الشخصية كتبت الفنانة ( يسرا ) : " أصدقائي وأحبائي في كل مكان وحشتوني جداً جداً ويارب تكون أيامكم كلها سعادة وهنا وفرح .. مش عارفة أبتدي منين بس اليومين اللي فاتوا كانت صعبة وقاسية جداً بالنسبة لي وده بسبب ظروف مرض والدتي ربنا يشفيها ويعافيها وده اللي جعلني أغلب الوقت متواجدة في المستشفى إلى جوارها لكن الحمد لله حالتها الصحية بتتحسن تدريجياً يوم بعد يوم بصورة أفضل .. ده بالنسبة لأمي "أم سيفين" أما أمي الكبيرة "مصر" فهي كمان شاغلة تفكيري جداً اليومين دول بسبب الأوضاع والأحداث المتتالية كل يوم .. مصر في عقلي وقلبي ووجداني وزي ما الست أم كلثوم قالت "مصر التي في خاطري وفي فمي أحبها من كل روحي ودمي" .. يارب أشوفك يا مصر أحلى وأعظم وأفضل بلد في الدنيا وينصرك على كل عدو وينجيك من كل سوء وكل شر .. يالا إدعو معايا يا حبايب مصر " .