لا عندي سمع ولا طاعه..ولا بضاعه ودين يتباع ويتزوّق علي الفتارين لا فزّاعه ولا اذاعه.. تغير مبدأي فيا انا الحُر وانتو اللي مضطرين انا نازل حُر بمزاجي...لا يُأمرني شيخ ولا قسيس اجي لما احب اجي ..............مش لما يطلع الأتوبيس لا انا غازي ولا نازي...ولا عاصم ولا حجازي...يؤمروني انصاع ده انا حالم .. ده انا مسالم...وبإرادتي ...تتغير الاوضاع انا الصرخه اللي طلعت وقت الزحمه سِمعوني ....وعالمكشوف انا الصرخه اللي بيكابروا ونكَروني...وقارْنوا بيا خروف أيد وقول صرختك خلي الرئيس يسمع وفكَر هتعمل ايه لما الرئيس يخلع اصحي وشوف عن قُرب...اسمع وخد وإدي لو لاقي اكل وشُرب ...حقك تكون ضدي بنقولها بعلو الصوت...احنا مكملين لو مكتوب علينا الموت...افضل ما نعيش مساجين هنعيش ونكون.... واصلين حبال العهد ده مفيش فرعون... الا ف خيال العبد .... ورغم انف كل عِرة ....الثورة مستمرة ...الثورة مستمرة