عريس كفر الدوار: "أنا بياع على باب الله وعدم استطاعتي شراء بدلة شيء لا يعيبني"

كشف محمد الملوي عريس كفر الدوار الذي أثار مقطع فيديو له مع خطيبته حالة من الجدل، أنه لا يجيد التعامل مع مواقع التواصل الاجتماعي، وأنه فوجئ ليلة أمس بعدد كبير من أصدقائه يتصلون عليه لإخباره بانتشار مقطع الفيديو.
وأوضح عريس كفر الدوار: "أنا شاب عندي 27 سنة، بياع على قد حالي بسرح بجوافة ماشي كل يوم بيومه، ولو يوم قعدت مشتغلتش مش هلاقي مصاريفي".
وأضاف الملوي: "امبارح وأنا شغال فجأة لقيت ناس كتير من قرايبي ومعارفي بيتصلوا عليا والدنيا اتقلبت مرة واحدة وواحد صاحبي قاللي تعالى لازم تشوف الفيديو ده، مبقتش شايف قدامي والتعليقات كلها نازلة شتيمة فيا".
وأكمل عريس كفر الدوار: "لحد دلوقتي مش فاهم اللي نزل الفيديو نزله بالشكل ده ليه؟.. طيب إنت شايف إنه ممكن يضرني متنزلوش ولا عاوز تركب الترند على حسابي، حتى لو أنا قلتلك بحسن نية نزل الفيديو فأنا معرفش محتواه فيه إيه ولا أعرف إنه هيظهر بالشكل ده".
واستطرد العريس: " كون إن مش مقدرتي اجيب بدلة ده شيء ميعبنيش، وكون إني حنين مع خطيبتي ومش عاوزها تزعل وكنت بحاول أصالحها برضه شيء ميعبنيش، لكن نشر الفيديو أثر على نفسيتي ومبقتش عارف أنزل أشتغل ومش عارف أواجه الناس بعد كده إزاي".
اقرأ أيضًا:
"مطلعتش مخطوبة غصب عنها".. كشف غموض فيديو عروس كفر الدوار المشمئزة من عريسها -صور